چین کے ہیکرز نے سائبر جاسوسی مہم میں امریکی شہریوں کا بڑی تعداد میں میٹا ڈیٹا چوری کرلیا۔
بین الاقوامی خبر رساں ادارے کی رپورٹ کے مطابق اعلیٰ امریکی عہدیدار نے دعویٰ کیا ہے کہ سالٹ ٹائی فون (Salt Typhoon) نامی چین کے ہیکنگ گروپ کی سائبر جاسوسی مہم میں امریکیوں کا میٹا ڈیٹا چرالیا گیا ہے۔
رپورٹس کے مطابق اس صورتحال کے پیش نظر وائٹ ہاؤس نے چینی ہیکنگ گروپ سے نمٹنا حکومت کی ترجیح قرار دیا ہے۔
یاد رہے کہ رواں سال مارچ میں بھی امریکی محکمہ انصاف اور فیڈرل بیورو آف انویسٹیگیشن (ایف بی آئی) کی جانب سے اس طرح کی خبریں سامنے آئیں تھیں کہ چینی ہیکرز نے لاکھوں امریکی شہریوں کو آن لائن ہیکنگ کا نشانہ بنایا ہے۔
دوسری جانب 10 ملکوں کی پولیس نے مشترکہ آپریشن کرتے ہوئے دنیا کے سب سے بڑے پائریسی نیٹ ورک کو گرفتار کر لیا ہے۔
10 ملکوں کی پولیس نے مشترکہ کارروائی کرتے ہوئے یورپ میں دنیا کے سب سے بڑے پائریسی نیٹ ورک کو گرفتار کر لیا ہے جو اپنے غیر قانونی فعل سے ماہانہ 26 کروڑ ڈالر (پاکستانی 70 ارب روپے سے زائد) کما رہا تھا۔
اس اہم اور بڑے مشترکہ آپریشن جس کو ٹیکن ڈاؤن کا نام دیا گیا۔ اس آپریشن میں برطانیہ، فرانس، جرمنی، اٹلی، سوئٹرز لینڈ، کروشیا، نیدرلینڈ، سویڈن، رومانیہ، بلغاریہ کے قانون نافذ کرنے والے اداروں نے حصہ لیا۔
آڈیو ویژول اینٹی پائریسی ایلائنس (اے اے پی اے) کی مدد سے قانون نافذ کرنے والوں کے اس آپریشن میں افراد کو حراست میں لیا گیا۔ اس کے علاوہ 29 کمپیوٹر سرور اور سینکڑوں آئی پی ٹی وی ڈیوائس سمیت 17 لاکھ 30 ہزار ڈالر کی کرپٹو کرنسی ضبط کی گئی جبکہ 102 افراد زیرِ تفتیش ہیں۔
ٹرمپ نے غزہ میں جنگ بندی کے لیے سفارتی کوششیں تیز کر دیں
یہ مشترکہ آپریشن دو سال کی جامع تحقیقات کے بعد کیا گیا جس میں یوروپول بھی شامل تھی۔ اس تحقیقات میں سوشل میڈیا پلیٹ فارم اور غیرقانونی اسٹریمنگ فورمز کو زیر نگرانی رکھا گیا۔
