بجینگ : چینی ایئرلائن میں سفر کرنے والے چینی باشندے پر دوران پرواز جہاز کے ہنگامی اخراج کا دروازہ کھولنے پر ہزاروں پاؤنڈ کا جرمانہ عائد کردیا۔
تفصیلات کے مطابق چین کی فضائی کمپنی چائنیز ایئرلائن نے مسافر پر دوران پرواز ہنگامی اخراج کا دروازہ کھولنے پر ہزاروں پاؤنڈ کا جرمانہ عائد کردیا۔
غیر ملکی خبر رساں ادارے کے مطابق فضائی کمپنی نے بتایا کہ چَین نامی چینی مسافر کو دوران پرواز گرمی محسوس ہوئی جس پر اس نے جہاز کا ہنگامی دروازہ کھول دیا۔
غیر ملکی خبر رساں ادارے کا کہنا تھا کہ 25 سالہ چینی شہری کو دوران پرواز دروازہ کھولنے کے جرم میں سیکیورٹی اہلکاروں نے 15 روز کے لیے حراست میں لے کر جیل منتقل کردیا ہے۔
غیر ملکی میڈیا کا کہنا تھا کہ سیکیورٹی اہلکاروں نے پرواز لینڈ کرنے کے دس منٹ تک انتظار کیا اور طیارے سے مسافروں کے نکل جانے کے بعد چینی شہری کو گرفتار کیا۔
چین نے تیس کروڑ امریکی لال بیگ کیوں پال لیے؟
چینی ایئر لائن کے عملے نے میڈیا کو بتایا کہ مذکورہ شخص نے ہنگامی اخراج کا دروازہ کھولا تو ساتھ ہی طیارے سے اترنے کے لیے سلایئڈ میں کھل گئی تھی۔
غیر ملکی خبر رساں اداروں کا کہنا تھا کہ چَین نے پولیس کے سامنے مؤقف اختیار کیا تھا کہ ’میں نے صرف کھڑکی کھولنے کے لیے ہینڈل گھومایا تھا لیکن ہنگامی اخراج کا دروازہ کھل گیا جس کے باعث میں شدید گھبرا گیا تھا‘۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
