تازہ ترین

تجارتی جنگ، امریکی وفد کی چینی صدر سے ملاقات، تنازع کے حل پر زور

بیجنگ: دوطرفہ تجارتی جنگ کے خاتمے کے لیے امریکی تجارتی وفد نے چینی صدر شی جن پنگ سے ملاقات کی۔

تفصیلات کے مطابق چین اور امریکا کے درمیان تجارتی جنگ بدستور جاری ہے، تاہم دونوں ممالک مذاکرات کے ذریعے تنازع حل کرنے کے لیے سنجیدہ ہیں۔

غیر ملکی خبر رساں ادارے کا کہنا ہے کہ امریکی تجارتی وفد میں اعلیٰ اہلکار شامل تھے جنہوں نے چینی صدر شی جن پنگ سے ملاقات کی اور معاملے کے حل پر تبادلہ خیال کیا۔

امریکی وفد میں اعلیٰ ترین تجارتی نمائندے رابرٹ لائٹ ہائزر اور وزیر خزانہ اسٹیون منوچن بھی شامل تھے، ملاقات میں دوطرفہ تحفظات کے خاتمے پر زور دیا گیا۔

خبررساں ادارے کے مطابق دنوں ممالک کی جانب سے اب تک مذاکرات سے متعلق کوئی بیان جاری نہیں کیا گیا نہ ہی میڈیا کو کوئی تفصیلات فراہم کی گئیں ہیں۔

خیال رہے کہ امریکا نے چینی مصنوعات پر اضافی محصولات عائد کرنے کے سلسلے کو 90 دن کے لیے ملتوی کر دیا تھا، تاہم یہ مدت دو مارچ کو ختم ہو رہی ہے۔

تجارتی جنگ: ٹرمپ اور چینی صدر کی ممکنہ ملاقات پر سوالات اٹھنے لگے

چین اور امریکا کے درمیان اس تنازعے کا کوئی حل نہ نکلا تو امریکا چینی مصنوعات پر دوبارہ اضافی محصولات عائد کردے گا۔ جبکہ ماہرین نے خیال ظاہر کیا ہے کہ تجارتی جنگ کے خاتمے کے لیے چین اور امریکا دونوں سنجیدہ ہیں۔

علاوہ ازیں امریکی و چینی تجارتی تنازعات کو حل کرنے کے لیے مقرر شدہ دو مارچ تک کی مہلت میں امریکی صدر نے توسیع کا عندیہ دیا ہے۔

Comments

- Advertisement -