چین میں طالبات سے زیادتی کے جرم میں اسکول ٹیچرکوعمرقید

بیجنگ: چین میں ایک اسکول ٹیچرکو طالبات کے ساتھ جنسی چھیڑخانی جرم میں عمرقید کی سزا سنادی گئی۔

تفصیلات کے مطابق چینی عدالت نے کنڈر گارڈن اسکول ٹیچر کو 12 بچوں کے ساتھ جنسی زیادتی کے جرم میں تاحیات قید کی سزا سنائی ہے۔

چینی خبررساں ایجنسی کے مطابق دیہات میں واقع اسکول کے ہوان زن شن نامی اسکول ٹیچرنے 12 طالبات کو جنسی بنیادوں پر ہراساں کیا اور زیادتی کا نشانہ بنایا ہے۔

قصورمیں بچوں سےزیادتی کے واقعات پرٹویٹرمیں غم وغصہ

پولیس کا کہنا ہے کہ اسکول ٹیچرزیادتی کا نشانہ بنانے کے لئے ٹیوشن پڑھانے کی آفر دیا کرتا تھا۔

اس سے قبل مئی میں چین کے ایک پرائمری اسکول ٹیچر کو سزائے موت دی گئی تھی جس نے 26 طالبات جن کی عمریں 4 سے 11 سال کے درمیان تھیں زیادتی کا نشانہ بنایا تھا۔

عدالت کے مطابق چین میں بچوں کے ساتھ زیادتی کی شرح میں اضافہ ہوا ہے ، سال 2012-2014 کے درمیان 7،145 واقعات درج ہوئے ہیں۔

Comments