The news is by your side.

Advertisement

چینی تاجر اور سرمایہ کار26 اور 27 ستمبر کو پاکستان کا دورہ کریں گے

کراچی : چینی تاجروں اور سرمایہ کاروں کا وفد26 اور27 ستمبر کو پاکستان کا دورہ کرے گا، جس کے دوران چینی کاروباری وفد کے ارکان پاکستان کے ساتھ تجارت بڑھانے کے لئے پاکستانی تاجروں اور سرمایہ کاروں سے ملاقاتیں کریں گے۔

وزارت تجارت کے حکام کے مطابق مقامی بزنس کمیونٹی کو چینی خریداروں کے ساتھ بات چیت کے عمل میں شامل کرنے سے تجارت بڑھانے کے لئے یہ پہلا قدم ثابت ہوگا۔

اس دورے کے دوران چینی تاجروں اور سرمایہ کاروں کے مقامی برآمد کنندگان کے ساتھ معاہدے متوقع ہیں، جس سے پاکستانی تاجروں کو چین کی وسیع تر مارکیٹ تک رسائی کا اہم موقع میسر آئے گا ۔

حکام کے مطابق انجینئرنگ، ٹیکسٹائل، زراعت اور کیمیائی شعبوں میں مینوفیکچرنگ کے شعبے میں باہمی تجارت کو فروغ مل سکے گا۔

Comments

comments

یہ بھی پڑھیں