بیجنگ : صحافیوں کا کام ہوتا ہے دنیا کے واقعات اور حالات کی تازہ ترین صورتحال سے عوام کو واقف کروانا لیکن بعض دفعہ یہ کام انجام دیتے ہوئے خبر دینے والا خود بھی خبر بن جاتا ہے، ایسا ہی واقعہ چین میں پیش آیا جب رپورٹر پر لائیو ٹی وی شو کے دوران آسمانی بجلی گر پڑی۔
چینی ٹی وی چینل کا رپورٹرلیو زیاؤڈونگ براہ راست نشریات کے دوران طوفانی بارشوں اور موسم کی خراب صورتحال بتانے میں مصروف تھا اور علاقے میں شدید موسلا دھار بارش جاری تھی کہ اچانک اُس پر آسمانی بجلی آگری۔
بجلی اس قدر زور سے گرجی کہ رپورٹر بھی ڈر گیا اور اس کے ہاتھ سے چھتری گر گئی۔
واقعہ کے بعد کچھ لمحوں کے لئے ٹی وی چینل کو اپنی نشریات بھی روکنا پڑ گئیں تاہم اس واقعے میں رپورٹر اور کیمرہ مین دونوں محفوظ رہے۔
لیو کی بجلی گرنے کی ویڈیو نے سوشل میڈیا پر بھی ہلچل مچا دی اور اب تک ایک لاکھ سے زائد افراد دیکھ چکے ہیں۔
چینی خبر رساں ایجنسی کی جانب سے ریلیز کردہ ویڈیو میں دیکھا جاسکتا ہے کہ کیسے ٹی وی کے رپورٹر لیو زیاؤڈونگ اس وقت دلچسپ صورت حال کا شکار ہوگیا، جب لائیو ٹی وی شو کے دوران موسم کا حال بتاتے ہوئے لیو پر آسمانی بجلی گر پڑی۔
ویڈیو دیکھیں
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
