The news is by your side.

Advertisement

چترال: تنخواہوں کی عدم ادائیگی پر ملازمین کی تادم مرگ بھوک ہڑتال جاری

چترال: محکمہ جنگلی حیات کے ملازمین نے تنخواہوں کی عدم ادائیگی پر تادم مرگ بھوک ہڑتال شروع کردی۔

تفصیلات کے مطابق خیبرپختونخواہ کے علاقے چترال سے تعلق رکھنے والے 140 سرکاری ملازمین نے 9 ماہ سے تنخواہوں کی عدم ادائیگی پر تادم مرگ بھوک ہڑتال کا اعلان کیا۔

ملازمین نے پیر کے روز سے بھوک ہڑتالی کیمپ قائم کیا جہاں بیٹھے مظاہرین میں سے چار کی طبیعت ناساز ہوئی تو انہیں اسپتال منتقل کیا گیا۔

دوسری جانب ضلعی انتظامیہ کے ڈی ایف او اعجاز احمد نے مؤقف اختیار کیا ہے کہ مذکورہ ملازمین پہلے وائلڈ لائف کے محکمے سے وابستہ تھے بعد ازاں پروجیکٹ ختم ہونے پر اُن کی خدمات محکمہ جنگلات کو دی گئیں۔

محکمہ جنگلات کے حکام کا کہنا ہے کہ ملازمین نے جوکام کیے اُس کی تصدیق کے بعد ہی تنخواہیں جاری کرنے یا نہ کرنے کا فیصلہ کیا جائے گا، اس ضمن تحقیقاتی کمیٹی قائم کردی گئی جو اپنی رپورٹ اعلیٰ افسران کو ارسال کرے گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں