طیارہ اڑان بھرتے ہی بائیں جانب جھک گیا تھا، خرابی کا انکشاف -
The news is by your side.

Advertisement

طیارہ اڑان بھرتے ہی بائیں جانب جھک گیا تھا، خرابی کا انکشاف

کراچی : چترال سے اسلام آباد آنے والے طیارے میں خرابی کا انکشاف ہوا ہے، طیارے میں اڑان کے وقت ہی معمول سے زیادہ فرق نظر آرہا تھا۔ طیارہ اڑان بھرتے ہی بائیں جانب جھک گیا تھا آواز بھی زیادہ تھی۔

تفصیلات کے مطابق حادثے کا شکار ہونے والے طیارے کے اڑان بھرنے کا عمل معمول سے ہٹ کر تھا لیکن چیئرمین پی آئی اے کا کہنا ہے کہ طیارہ اے کلاس چیک ہوا تھا کوئی خرابی نہیں تھی۔ بلیک باکس مل گیا جس سے تحقیقات میں مدد ملے گی۔

چترال سے اسلام آباد آنے والا طیارہ کس طرح حادثے کا شکار ہوا اس حوالے سے تحقیقات شروع کر دی گئیں ہیں، ذرائع کے مطابق چترال سے اڑان بھرتے وقت طیارے میں معمول سے زیادہ فرق نظر آرہا تھا ۔ طیارہ اڑان بھرتے ہی بائیں جانب جھک گیا تھا آواز بھی زیادہ تھی۔

مزید پڑھیں : جہاز میں‌ کوئی خرابی نہیں‌ تھی، چیئرمین پی آئی اے

عینی شاہدین کے مطابق طیارے کو ہچکولے کھاتا ہوا بھی دیکھا گیا، دوسری جانب چیئرمین پی آئی اے کا کہنا ہے کہ طیارہ بالکل ٹھیک تھا اسے اے کلاس چیک کیا گیا۔

حادثے کے فوری بعد وزیر داخلہ نے ایف آئی اے کی پانچ رکنی ٹیم تشکیل دے کر جائے حادثہ پر روانہ کردی جو دہشت گردی کے ممکنہ خدشات کے پیش نظر شواہد اکٹھے کرے گی۔

مزید پڑھیں: طیارہ حادثہ، تحقیقات کے لیے پانچ رکنی کمیٹی تشکیل

سول ایوی ایشن ذرائع کے مطابق حادثے کا شکار ہونے والے طیارے کا بلیک باکس ڈھونڈ لیا گیا ہے۔ جس سے طیارہ حادثے کی اصل وجہ معلوم ہو سکے گی، تحقیقات میں غیرملکی ماہرین سے مدد لی جائےگی۔

Comments

comments

یہ بھی پڑھیں