تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

بھولا بھالا شوہر پسند نہیں، بیوی نے میاں کو بھیانک طریقے سے قتل کر دیا

راجستھان: بھارتی ریاست راجستھان کے ایک علاقے میں بیوی نے سیدھے سادے، بھولے بھالے شوہر کو بھیانک طریقے سے قتل کر دیا۔

تفصیلات کے مطابق ضلع چتوڑ گڑھ کے وجے پور تھانہ علاقے میں ایک عورت نے اس بنا پر شوہر کو قتل کر دیا کہ بھولا بھالا میاں اسے پسند نہیں تھا۔

پولیس نے خاتون کو شوہر کے قتل کے الزام میں گرفتار کر کے مقدمہ درج کر لیا ہے، ابتدائی تحقیق ہی میں یہ بات سامنے آئی کہ بیوی سیدھے سادے شوہر کو پسند نہیں کرتی تھی۔

پولیس رپورٹ کے مطابق 20 جنوری کو وجے پور گرام کے باہر سڑک کے کنارے ویران جگہ پر ایک نوجوان کی لاش ملی تھی، جس کا قتل اسی جگہ پر ہوا تھا، بعد ازاں مقتول کی پہچان علاقے کے گاؤں مائرہ کے رہنے والے رتن لال بھیل کے طور پر ہوئی۔

قتل کے معاملے میں جانچ کی گئی تو معلوم ہوا کہ مقتول بے حد سیدھا سادا اور بھولا بھالا انسان تھا جسے اس کی بیوی جو نابالغ ہے، پسند نہیں کرتی تھی، اور ناپسندیدگی کی وجہ سے وہ پہلے اسے چھوڑ کر چلی گئی تھی، تاہم نابالغ لڑکی کو اس کے والدین پھر سسرال چھوڑ آئے تھے۔

پولیس کی پوچھ گچھ کے آگے مقتول شوہر کی بیوی زیادہ نہ ٹک سکی اور سچ اگل دیا، اس نے بتایا کہ اس نے رتن سے چھٹکارا پانے کے لیے اس کو آدھی رات کو گھر سے باہر لے گئی اور ویران مقام پر اس کے ہاتھ پیر باندھنے کے بعد اس کے سر پر بھاری پتھر مارا۔

ملزمہ نے مزید بتایا کہ وہ اپنے ساتھ پتھر کی ٹانکی بھی لے گئی تھی اور اس نے شوہر کے سر پر اس کے بھی وار کیے، تاکہ وہ زندہ نہ بچ سکے، اور قتل کے بعد گھر آ کر سوگئی۔

پولیس نے ملزمہ کو بچوں اور نابالغ قانون کی دفعات کے تحت گرفتار کر کے مقدمہ درج کیا۔

Comments

- Advertisement -