site
stats
پاکستان

اسامہ بن لادن کی اراضی پرکنٹونمنٹ بورڈ اور صوبائی حکومت میں تنازعہ

ایبٹ آباد: بلال ٹاؤن میں واقع اسامہ بن لادن کی اراضی پر ضلعی انتظامیہ نے کنٹونمنٹ بورڈ کی جانب سے لگائی گئی چار دیواری پر سفید رنگ کرکے بورڈ نصب کر دیا۔

القاعدہ کے سربراہ اسامہ بن لادن کی ایبٹ آباد کے بلال ٹاؤن میں واقع اراضی پر کینٹ بورڈ کی جانب سے چاردیواری لگا دی گئی، اسامہ اراضی پر کینٹ بورڈ کی جانب سے علاقہ کی عوام کیلئے قبرستان بنانے کا فیصلہ کیا گیا تھا، اس اعلان کے بعد کینٹونمنٹ بورڈ، ضلعی انتظامیہ اور صوبائی حکومت کے درمیان تنازعہ شدت اختیار کر گیا۔

کنٹونمنٹ بورڈ نے چند روزقبل اسامہ بن لادن کی اراضی کے چاروں اطراف دیوار لگا دی تھی، جس پر ضلعی انتظامیہ حرکت میں آئی اور لگائی جانے والی چار دیواری پر سفید رنگ کر ڈالا، اس کیساتھ دیوار پر لکھائی بھی کر ڈالی اور کمپاؤنڈ اراضی پر بورڈ بھی نصب کر دیا کہ یہ اراضی صرف اور صرف صوبائی حکومت کی ملکیت ہے، اور اس کی خلاف وزری کرنے والوں کے خلاف قانونی کاروائی عمل میں لائی جائے گی۔

خیبر پختو نخواہ حکومت نے اسامہ اراضی کی دعویداری کیلئے اشتہار بھی جاری کیا تاہم کوئی دعویدار سامنے نہ آنے کے بعد چار کنال دس مرلہ اراضی صوبائی حکومت کے نام پر منتقل ہو گئی۔

اے آروائی نیوز نے سب سے پہلے کمپاؤنڈ کی اراضی پر چار دیورای کی تعمیر کی خبر نشر کی تھی، صوبائی حکومت نے اس اراضی پر تفریحی پارک بنانے کا فیصلہ کیا تاہم پارک پر تاحال عمل درآمد نہ ہونے کے باعث کینٹ بورڈ انتظامیہ نے اس اراضی کے اطراف چار دیواری لگا کر یہاں علاقہ بلال ٹاؤن، لوہر جناح آباد کے عوام کیلئے قبرستان بنانے کا فیصلہ کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top