ہیضے سے ہزاروں افراد متاثر، 13 اموات

ژوب: صوبہ بلوچستان کے شہر ژوب میں ہیضے سے ہزاروں افراد متاثر ہوگئے جبکہ 13 اموات بھی ہوئی ہیں۔

تفصیلات کے مطابق ڈسٹرکٹ ہیلتھ آفیسر کا کہنا ہے کہ شہر میں ہیضے کے مرض میں اضافہ ہورہا ہے جس سے 13 افراد جاں بحق ہوگئے۔

ڈی ایچ او کا کہنا ہے کہ ہیضے کے باعث 5 جولائی سے اب تک 2 ہزار 334 افراد متاثر ہوئے ہیں۔

ڈی ایچ او کے مطابق ہیضے سے ڈی ایچ کیو اسپتال میں 9 افراد جاں بحق ہوگئے ہیں، بعض افراد کے ڈی ایچ کیو اسپتال سے باہر بھی اموات کی اطلاع ہے۔

انہوں نے کہا کہ آج 462 متاثرہ افراد اسپتال لائے گئے ہیں، ہیضے سے متاثرہ افراد میں خواتین اور بچے بھی شامل ہیں۔

Comments