The news is by your side.

Advertisement

چھوٹوگینگ آپریشن : پاک آرمی کے دستوں نے پوزیشن سنبھال لیں

رحیم یارخان : کچے کے علاقوں کا تمام کنٹرول پا ک آرمی نے سنبھال لیا،پولیس اپنی پوزیشن سے پیچھے آگئی، پولیس نے سہولت کاروں کیخلاف سر چ آپریشن شروع کرنے کا اعلان کردیا۔

صوبائی وزیرراناثناءاللہ کا کہنا ہےکہ اڑتالیس گھنٹے میں قوم کو خوشخبری ملے گی، آپریشن میں شہید ہونے والے پولیس اہلکاروں کے لواحقین کیلئے مالی امداد کا اعلان کردیا گیا۔

تفصیلات کے مطابق بڑےبڑوں کیلئے دردِسربننے والے چھوٹو گینگ کےگردگھیراتنگ کردیا گیا، اٹھارہ روزبعد بھی پولیس کے ہاتھ کچھ نہ لگا تو رینجرزکےبعد پاک فوج کےدستےبھی کچے کے علاقے میں پہنچ گئے۔

فتح کا نشان بنائے جوانوں کا عزم بتارہاہے کہ چھوٹو گینگ کا ٹائم شارٹ ہوگیاہے۔ سوسےزائدڈاکوؤں کوٹھکانےکیلئے لگانے کیلئےجوان راجن پور پہنچ گئےجوچھوٹوگینگ کی نسبت سے پہچانے جانےوالے چھوٹو جزیرے میں آپریشن کریں گے، جبکہ ملتان سے 33 پنجاب رجمنٹ کی دوکمپنیاں بھی علاقے میں پہنچ گئیں۔

آپریشن میں جوانوں کو چھ ہیلی کاپٹر کی معاونت بھی حاصل ہوگی جبکہ اوکاڑہ سے پاک فوج کی ایک بٹالین براستہ سڑک روانہ ہوگئی ہے اور آپریشن کیلئے آئندہ 24سے 48گھنٹوں کو اہم قراردیاجارہاہے۔

صوبائی وزیرراناثناءاللہ کا کہنا ہےکہ اڑتالیس گھنٹے میں قوم کو خوشخبری ملے گی، وزیر اعلیٰ پنجاب  نے آپریشن میں  شہید اہلکاروں کے ورثاء کے لئے پچاس پچاس لاکھ امداد کااعلان بھی کیا ہے۔

رانا ثناءاللہ کاکہنا تھا کہ چھوٹو گینگ کو بھاگنے نہیں دیں گے ، آئندہ دوسے تین دن میں چھوٹو گینگ ہتھیارڈالے گا یاپھر جہنم واصل ہوجائے گا۔

علاوہ ازیں وزیر اعلیٰ پنجاب شہباز شریف کی زیر صدارت امن و امان کے حوالے سے اجلاس ہوا جس میں چھوٹوگینگ کیخلاف جاری آپریشن پر تبادلہ خیا ل کیا گیا۔

اجلاس میں وزیر اعلیٰ نے چھوٹو گینگ کیخلاف جاری آپریشن میں شہید ہونے والے 6 پولیس اہلکاروں کے لواحقین کیلئے 50 لاکھ روپے امداد کا اعلان کیا، واضح رہے کہ چھوٹوگینگ نےبیس سےزائدپولیس اہلکاروں کویرغما ل بنارکھاہے۔

 

 

Print Friendly, PDF & Email

Comments

comments

یہ بھی پڑھیں