چوہدری نثار کا بھارتی جیل میں قید پاکستانی خاتون کی شہریت کی تصدیق کا حکم
The news is by your side.

Advertisement

بھارت میں قید پاکستانی خاتون کی شہریت کی تصدیق کا حکم

اسلام آباد : وفاقی وزیرِ داخلہ چوہدری نثار نے پاکستانی خاتون کا اپنی چار سالہ کمسن بچی کے ساتھ بھارتی جیل میں قید ہونے کانوٹس لیتے ہوئے خاتون کی پاکستانی شہریت کی جانچ پڑتال کرنے کا حکم جاری کر دیا ہے۔

تفصیلات کے مطابق پاکستانی خاتون روبینہ کے مقبوضہ کشمیر کی جیل میں قید ہونے کا انکشاف ہوا ہے ۔ وفاقی وزیرداخلہ چوہدری نثار نے معاملہ کا نوٹس لے کر پاسپورٹ اور نادرا حکام کو اڑتالیس گھنٹے میں خاتون کی شہریت کی تصدیق کا حکم دے دیا ہے۔

چوہدری نثار کا کہنا ہے کہ حیدرآباد سندھ سے تعلق رکھنے والی خاتون اور ان کی چار سالہ بچی کی شہریت کی تصدیق کے بعد فوری طور پر پاکستان لانے کے انتظامات کیے جائیں گے۔

واضح رہے کہ پاکستان میں حیدر آباد کی رہائشی روبینہ 2012 میں علاج کے سلسلے میں شوہر اور بچی کے ساتھ بھارت گئی تھی جہاں روبینہ کا شوہر اسے چھوڑ کر فرار ہو گیا تھا جب کہ خاتون کو نامکمل سفری کاغذات کی بناء پر حراست میں لیا گیا تھا۔

یاد رہے پاکستانی خاتون روبینہ گزشتہ چار سال سے اپنی کمسن بچی کے ساتھ مقبوضہ کشمیر کی کوٹ بھلوال جیل میں قید ہے۔

Comments

comments

یہ بھی پڑھیں