بھارت کی گیڈر بھبکیوں میں نہیں آئیں گے، چوہدری نثار -
The news is by your side.

Advertisement

بھارت کی گیڈر بھبکیوں میں نہیں آئیں گے، چوہدری نثار

اسلام آباد : وفاقی وزیرِ داخلہ چوہدری نثار نے کہا بی جے پی کا پاکستان کے ٹکڑے کرنا کا دعویٰ دیوانے کا خواب ہے۔

وزیرداخلہ چودھری نثار اپنے بھارتی ہم منصب راج ناتھ سنگھ کے بیان پر ردعمل دے رہے تھے انہوں نے کہا کہ پاکستان کو 10 ٹکڑوں میں تقسیم کرنے کا دعویٰ دیوانے کا خواب ہے ایسی گیڈر بھبکیوں سے نہ تو پہلے مرعوب ہوئے اور نہ آئندہ ہوں گے۔

انہوں نے کہا کہ بھارتی جنتا پارٹی سے تعلق رکھنے والے بھارتی وزیر داخلہ کو مخاطب کرتے ہوئے کہا کہ آپ کی حکومت میں اقلیتیں غیر محفوظ ہیں اُن کی نسل کشی کی جارہی ہے،بھارت کو مذہبی بنیادوں پر کوئی اور نہیں بی جے پی کی اپنی پالیسیاں کر رہی ہیں۔

وفاقی وزیر داخلہ کا کہنا ہے کہ بھارتی رہنما کس منہ سے پاکستان پر دہشت گردی کے الزامات لگا رہے ہیں حالانکہ خود بھارت میں ریاستی سرپرستی میں مخالفین پر تشدد کیا جاتا ہے اور ان کے منہ کالے جاتے ہیں مسلمانوں،دلتوں، عیسائیوں اور دیگراقلیتوں پرزندگی کا دائرہ تنگ کیا جاتا ہے۔

چوہدری نثار نے کہا کہ مقبوضہ کشمیرمیں قابض بھارتی فوج ریاستی مشینری کابہیمانہ استعمال کرتے ہوئے مظلوم اور نہتے کشمیریوں کی خون کی ہولی کھیل رہے ہیں جس پر عالمی سطح پر صدائے احتجاج بلند ہورہا ہے اب بھارت منافرت بھرے بیانات اور الزام تراشی کر کے دنیا کی توجہ کشمیر سے نہیں ہٹا سکتا۔

Comments

comments

یہ بھی پڑھیں