The news is by your side.

Advertisement

بھارتی مظالم کوعالمی سطح پر بے نقاب کروں گا،چوہدری سرور

لاہور : پاکستان تحریک انصاف کے رہنما چوہدری محمد سرور نے کشمیریوں کے حق خود ارادیت کے لیے برطانیہ اور یورپی ممالک میں آواز اُٹھانے کا اعلان کردیا۔

میڈیا سے گفتگو کرتے ہوئے اُن کا کہنا تھا کہ اتوار سے بر طانیہ اور یورپ کے دورے کے لیے روانہ ہو رہا ہوں بھارت کی مقبوضہ کشمیر میں دہشت گردی کو پوری دنیا میں بے نقاب کروں گا۔

چوہدری سرور کا کہنا ہے کہ برطانیہ اور یورپی پارلیمنٹ میں اٹھنے والی آوازیں بھارت پر دباؤ کا باعث بنیں گی اور کشمیر کا بچہ بچہ بھارت کے خلاف بغاوت کی آواز بن چکا ہے۔

انہوں نے شکوہ کیا کہ حکمرانوں کی خارجہ پالیسی مکمل طور پر ناکام ہو چکی ہے،اس لیے مجھے خود ہی مسئلہ کشمیر کے لیے عالمی ضمیر کو جھنجھوڑنے کے لیے میدان عمل میں آنا ہے۔

ایک سوال کے جواب میں چوہدری محمد سرور نے کہا کہ یورپی پار لیمنٹ سمیت دیگر فورم پر مسئلہ کشمیر کے حل کے مطالبے اور بھارت کے مظالم کے خلاف مذمتی قرار دادیں بھی لائی جائیں گی اور اس بات میں کوئی شک نہیں کہ بر ٹش اور یورپی پارلیمنٹ میں اٹھنے والی آوازیں بھارت پر دباؤکا باعث بنیں اور ہم موثر طریقے سے دنیا کے سامنے بے بھارت کو بے نقاب کر یں گے۔

Comments

comments

یہ بھی پڑھیں