خواتین ہر شعبے میں آگے آئیں، حکومت بھرپور تعاون کرے گی، چوہدری سرور -
The news is by your side.

Advertisement

خواتین ہر شعبے میں آگے آئیں، حکومت بھرپور تعاون کرے گی، چوہدری سرور

لاہور : گورنر پنجاب چوہدری سرور نے کہا ہے کہ پاکستانی خواتین ہر شعبے میں آگے آئیں، حکومت ان کی بھرپور حوصلہ افزائی کرے گی۔

ان خیالات کا اظہار انہوں نے پاک چائنا بزنس فورم کے زیراہتمام تین روزہ نمائش کی افتتاحی تقریب سے خطاب کرتے ہوئے کیا، گورنر پنجاب کا کہنا تھا کہ خواتین کو ہر شعبے میں ترجیح دی جائے گی۔

اگر خواتین کسی شعبے میں نمایاں کردار ادا کریں گی تو پنجاب حکومت کی جانب سے  انہیں مکمل تعاون  فراہم کیا جائے گا۔ نمائش کے شرکاء نے کہا کہ خواتین ہر شعبے میں مردوں کے شانہ بشانہ ہیں اور کاروباری دنیا میں بھی خواتین کی دلچسپی میں اضافہ ہو رہا ہے۔

سی پیک کے حوالے سے گفتگو کرتے ہوئے ان کا کہنا تھا کہ پاک چائنا دوستی میں کوئی تبدیلی نہیں آئے گی اور یہ دوستی مزید مستحکم ہوگی۔

تین روزہ نمائش میں پاکستانی صنعت کاروں کے علاوہ چائنیز وفد نے بھی شرکت کی، تقریب کے آخر میں گورنر پنجاب کو شیلڈ پیش کی گئی۔

Comments

comments

یہ بھی پڑھیں