The news is by your side.

Advertisement

اسلام آباد کو جرائم سے پاک شہر بنائیں گے،چوہدری نثار

اسلام آباد: پولیس لائنز میں پاسنگ آؤٹ پریڈ کے انعقاد کے موقع پر وفاقی وزیر اطلاعات چوہدری نثار نے خطاب کرتے ہوئے کہا کہ اسلام آباد کو جرائم سے پاک شہر بنانے کے لیے ہر صلاحیت بروئے کار لائیں گے۔

تفصیلات کے مطابق اسلام آباد میں 480 نئے ریکروٹس کی پاسنگ آؤٹ پریڈ کی تقریب کا انعقاد کیا گیا، وزیر داخلہ نے تقریب سے خطاب کے دوران نئے ریکروٹس کی کامیاب پاسنگ آؤٹ پریڈ پر خوشی کا اظہار کرتے ہوئے کہا کہ بھرتیوں میں میرٹ اور شفافیت کو یقینی بنایا گیا ہے۔

اس موقع پر آئی جی اسلام آباد طارق مسعود نے وفاقی وزیر داخلہ چوہدری نثار کو اعزازی شیلڈز بھی پیش کی جب کہ وفاقی وزیر نے چین کی جانب سے دی گئی گاڑیوں کی چابیاں اسلام آباد پولیس،ایف سی اور ایف آئی اے حکام میں تقسیم کیں۔

تقریب سے خطاب کرتے ہوئے چوہدری نثار نے کہا کہ ہر ریکروٹس ایک نئی تبدیلی لا سکتا ہے، لیکن یہ وہ تبدیلی نہیں ہوگی جو ایک سیاسی جماعت لانے کا دعوی کر رہی ہے بلکہ یہ تبدیلی تبدیلی حقیقی اور موثر ہو گی۔

اس موقع پر اپنی خواہش کا اظہار کرتے ہوئے انہوں نے کہا کہ اسلام آباد پولیس میں شامل ہونے والا یہ نیا خون جرائم کی سرکوبی کے لیے متحرک رہے گا،نئے ریکروٹس جرائم کے خلاف سینہ سپر رہیں گے۔

انہوں نے مزید کہا کہ ریپڈ ریسپانس فورس کا آئیڈیا بھی میں نے دیا تھا،اس فورس میں بھرتیاں سیاسی بنیاد پر نہیں بلکہ میرٹ اور اہلیت پر ایک شفاف نظام کے تحت عمل میں لائی گئی ہیں۔

وفاقی وزیر داخلہ نے امید ظاہر کی کہ دونوں فورسز مل کر جرائم کی بیخ کنی کریں گے اور اسلا آباد کو جرائم سے پاک شہربنائیں گے۔

انہوں نے وضاحت کی کہ ہم نے 2013 میں اقتدار سنبھالا تو ہر روز 4 یا 5 دھماکے ہو رہے تھے، ہم نے دہشت گردی کے خلاف موثر پالیسی بنائی اور افواج پاکستان،پولیس اور ایف سی سمیت دیگر آمڈ فورسز نے دہشت گردی کی جنگ میں اہم کامیابیاں حاصل کیں، جس پر میں تمام اداروں کو مبار باد پیش کرتا ہوں۔

Print Friendly, PDF & Email

Comments

comments

یہ بھی پڑھیں