حفیظ کے سامنے کرس گیل بے بس

بولرز کے چھکے چھڑانے والے جارح مزاج بیٹسمین کرس گیل پاکستانی اسپنر محمد حفیظ کے ‏سامنے بے بس ہو گئے۔

خطرناک فاسٹ بولرز ہوں یا گھومتی گیندوں سے بیٹسمینوں کا چکرانے والے ماہر اسپنرز، کرس گیل ‏کسی کو خاطر میں نہیں لاتے۔

لمبے لمبے چھکے لگا کر گیند کو اسٹیڈیم سے باہر پھینکنے والے گیل کا حفیظ کے سامنے بلا ‏خاموش رہا۔
‏
50سے زائد گیندیں کھیلنے کے باوجود وہ حفیظ کے خلاف ایک باؤنڈری تک نہیں لگا سکے۔ ‏

سنہ 2013 میں کریبیئن لیگ (سی پی ایل) کے بعد سے گیل نے محمد حفیظ کی 53 گیندیں کھیلیں ‏لیکن وہ گیند کو باؤنڈری کے پار نہ کر سکے۔

پاکستان اور ویسٹ انڈیز کے مابین ٹی ٹوئنٹی سیریز جاری ہے جس میں دونوں کا ایک بار آمنا سامنا ‏ہوا تو حفیظ پھر گیل پر بھاری پڑے اور انہیں باؤنڈری لگانے کا کوئی موقع نہیں دیا۔

Comments