The news is by your side.

Advertisement

سانحہ کرائسٹ چرچ : ہندو برادری کا ہولی کا تہوار سادگی سے منانے کا اعلان

کراچی : ہندو برادری نے کرائسٹ چرچ واقعے کے بعد ہولی سادگی سے منانے کا اعلان کردیا ہے، صدر ہندو پنچایت کا کہنا ہے کہ ہولی کی تقریبات سادگی سےمنائی جائیں گی۔

تفصیلات کے مطابق سانحہ کرائسٹ چرچ پر ہندو برادری نے افسوس کا اظہار اور متاثرہ خاندانوں سے اظہار یکجہتی کرتے ہوئے ہولی کا تہوار سادگی سے منانے کا اعلان کیا ہے۔

صدرہندوپنچایت کا کہنا ہے کہ ہولی کی تقریبات سادگی سےمنائی جائیں گی اور سندھ اسمبلی میں ہرسال ہونے والی ہولی کی تقریب منسوخ کردی گئی ہے۔

خیال رہے سانحہ کرائسٹ چرچ پر پوری قوم سوگ میں ہے اور وزیراعظم عمران خان کی ہدایت پر متاثرہ خاندانوں سے اظہار یکجہتی کے لیے ملک بھر میں آج تمام سرکاری عمارتوں پرقومی پرچم سرنِگوں ہیں۔

مزید پڑھیں : سانحہ کرائسٹ چرچ کے شہدا کی یاد میں ملک بھر میں سرکاری عمارتوں پرقومی پرچم سرنِگوں

وزیرخارجہ شاہ محمود قریشی کا گزشتہ روز اسلام آباد میں پریس کانفرنس کرتے ہوئےکہنا تھا کہ کرائسٹ چرچ واقعے پراحتجاج ریکارڈ کرایا ہے، اس واقعے میں مجموعی طور پر50 افراد شہید ہوئے جن میں سے 9 پاکستانی ہیں، جبکہ ایک آئی سی یو میں ہے۔

گزشتہ روز نیوزی لینڈ کی مساجد پر دہشت گرد حملے دوران حملہ آور کو روکنے کی کوشش کے دوران شہید ہونے والے پاکستانی شہری نعیم راشد کے لیے قومی ایوارڈ کا اعلان کیا تھا۔

واضح رہے 15 مارچ کو کرائسٹ چرچ کی دو مساجد میں آسٹریلیا سے تعلق رکھنے والے سفید فام دہشت گرد نے اندھا دھند فائرنگ کرکے 49 نمازیوں کو شہید کردیا تھا۔

جس کے بعد پاکستان سمیت دنیا بھر سے نیوزی لینڈ میں ہونے والی دہشت گردی کے واقعے کی شدید مذمت کی گئی تھی۔

Comments

comments

یہ بھی پڑھیں