The news is by your side.

Advertisement

کرائسٹ چرچ حملہ : افغان شہری نے جان داؤ پر لگا کر کئی لوگوں کی جانیں بچائیں

کرائسٹ چرچ : نیوزی لینڈ کی دو مساجد میں دہشت گردی کے واقعے کے دوران ایک افغان شہری نے اپنی جان داؤ پر لگا کر کئی لوگوں کی جانیں بچائیں۔

تفصیلات کے مطابق لین ووڈ مسجد میں فائرنگ کے دوران جب دہشت گرد کی گن خالی ہوگئی تو وہ مزید اسلحہ نکالنے کیلئے گاڑی کی طرف گیا۔

موقع پاکر افغان باشندے عبد العزیز نے دہشت گرد کی خالی گن چھین کر اس کا پیچھا کیا اوردہشت گرد کو گاڑی سے مزید اسلحہ نکالنے کا موقع نہیں دیا، اس نے بندوق گاڑی پر ماری جس پر دہشت گرد موقع پا کر بھاگ گیا، عبدالعزیز کا کہنا ہے کہ میں ہیرو نہیں ہوں۔

واضح رہے کہ اس کے علاوہ ایک اور پاکستانی نعیم راشد نے بھی کرائسٹ چرچ میں لوگوں کو بچانے کے لیے اپنی جان قربان کردی، نعیم راشد نے کرائسٹ چرچ حملے میں ہیرو کا کردار ادا کیا۔

جس وقت دہشت گرد فائرنگ کرتا ہوا النور مسجد میں داخل ہوا تو ڈاکٹر نعیم نے حملہ آور پر قابو پانے کی کوشش کی تھی، جس پر دہشت گرد نے ان پر گولیوں کی بوچھاڑ کردی۔

برطانوی میڈیا کے مطابق نعیم راشداسپتال میں زخموں کی تاب نہ لاتے ہوئے دم توڑ گئے، اسی واقعے میں ان کے بیٹے طلحہ تعیم بھی فائرنگ سے جاں بحق ہوگئے تھے۔

Comments

comments

یہ بھی پڑھیں