The news is by your side.

Advertisement

کروناوائرس: ادویات کی عدم دستیابی کے خلاف عدالت میں درخواست دائر

لاہور: کروناوائرس سے بچاؤ سمیت جان بچانے والی ادویات کی عدم دستیابی کے خلاف جوڈیشل ایکٹوازم پینل نے لاہور ہائیکورٹ میں درخواست دائر کردی۔

تفصیلات کے مطابق درخواست جوڈیشل ایکٹوازم پینل کی جانب سے ہائیکورٹ میں دائر کی گئی۔ درخواست گزار کا کہنا ہے کہ ملک میں جان بچانے والی ادویات کی قلت کی شکایات سامنے آرہی ہیں، کرونا وائرس سے بچاؤ کی کچھ ادویات بھی مارکیٹ میں دستیاب نہیں ہیں۔

درخواست گزار نے مؤقف اختیار کیا ہے کہ ادویات کی آسان اور کم قیمت پر دستیابی مریضوں کا بنیادی حق ہے، عدالت حکومت کو جان بچانے والی ادویات کی مارکیٹ میں دستیابی کو یقینی بنانے کا حکم دے۔

ملک میں کرونا وائرس سے مزید 107 افراد جاں بحق، 6,397 نئے کیسز، 8 لاکھ ٹیسٹ مکمل

درخواست گزار نے استدعا کی ہے کہ حکومت کرونا کے پیش نظر مذکورہ سنگین صورت حال کا نوٹس لے۔

خیال رہے کہ پاکستان کرونا کیسز کا گراف مزید بلند ہونے کے بعد کیسز کی تعداد کے لحاظ 213 ممالک میں دنیا کا 15 واں ملک بن چکا ہے، اموات اور نئے کیسز کی تعداد میں روز بہ روز اضافہ ہو رہا ہے، گزشتہ چوبیس گھنٹوں کے دوران ملک میں مزید ایک سو سات اموات ہوئیں۔

Comments

یہ بھی پڑھیں