The news is by your side.

Advertisement

کروناوائرس: گوریلے کو اچانک کیا ہوگیا؟

واشنگٹن: امریکی ریاست فلوریڈا میں بیمار ہونے والے گوریلے کا کرونا ٹیسٹ لے لیا گیا، چڑیا گھر انتظامیہ کا کہنا ہے کہ جلد رپورٹ سامنے آجائے گی۔

غیرملکی خبررساں ادارے کی رپورٹ کے مطابق 31 سالہ ’شھنگو‘ نامی گوریلا اپنے چھوٹے بھائی سے لڑائی کے بعد شدید زخمی ہوا اور بیمار بھی پڑگیا جس کے باعث اسپتال میں گوریلے کا علاج ہوا اور کرونا ٹیسٹ بھی لیا گیا۔

گوریلا اپنے چھوٹے بھائی کے ساتھ فلوریڈا کے ایک چڑیا گھر میں رہ رہا تھا اس دوران دونوں میں اچانک لڑائی ہوئی جس کے پیش نظر انتظامیہ نے دونوں کو الگ کردیا اور بخار ہونے کی صورت میں ’شھنگو‘ کا کرونا ٹیسٹ کروایا۔

زوو انتظامیہ کا کہنا ہے کہ بیماری گوریلا کا وزن تقریباً 433 پاؤنڈ ہے، مقامی اسپتال سے اس کا کرونا ٹیسٹ کروالیا گیا ہے، امید ہے جلد رپورٹ آجائے گی، علاج کے دوران شھنگو کا ایکس رے اور الٹرا ساؤنڈ بھی کیا گیا۔

چڑیا گھر انتظامیہ کا یہ بھی کہنا تھا کہ مذکورہ گوریلے کا اس سے قبل بھی ٹیسٹ کروایا گیا تھا جو منفی آیا تھا، تاہم اب تک گوریلے کو دوبارہ اس کے بھائی کے ساتھ رکھنے سے متعلق فیصلہ نہیں کیا گیا ہے۔

Comments

یہ بھی پڑھیں