The news is by your side.

Advertisement

سانحہ چونیاں، گرفتار ملزم 15 روزہ جسمانی ریمانڈ پر پولیس کے حوالے

قصور: چونیاں میں بچوں سے زیادتی کے ملزم سہیل شہزاد کو 15 روزہ جسمانی ریمانڈ پر پولیس کے حوالے کردیا گیا۔

تفصیلات کے مطابق چونیاں میں بچوں سے زیادتی کے ملزم سہیل شہزاد کو لاہور کی انسداد دہشت گردی عدالت میں پیش کیا گیا، عدالت نے ملزم کو 15 روزہ جسمانی ریمانڈ پر پولیس کے حوالے کردیا۔

پولیس حکام نے عدالت میں موقف اختیار کیا گیا ملزم نے بچوں کو اغوا کیا اور ان کے ساتھ زیادتی کی، زیادتی کے بعد بچے کو قتل کردیا، ملزم سہیل کا ڈی این اے بچے فیضان کے ساتھ میچ ہوگیا، دیگر کیسز کی ڈی این اے رپورٹ آئے گی تو پھر وہ کیس الگ بنائیں گے۔

پولیس نے بتایا کہ1700 افراد کا ڈی این اے لیا گیا لیکن ملزم سہیل شہزاد کا ڈی این اے میچ ہوا۔

پولیس کے مطابق ڈی این اے میں ملزم سہیل شہزاد کا 1471 واں نمبر تھا، جائے وقوعہ پر ملزم کے جوتوں کے نشان نے پولیس کا کام آسان کیا۔

مزید پڑھیں: چونیاں میں بچوں سے زیادتی اور قتل کا ملزم گرفتار

پولیس نے ملزم کے جسمانی ریمانڈ کی استدعا کی جسے عدالت نے منظور کرتے ہوئے ملزم کو 15 روز کے جسمانی ریمانڈ پر پولیس کے حوالے کردیا۔

یاد رہے کہ قصور کی تحصیل چونیاں میں ڈھائی ماہ کے دوران 4 بچوں کو اغوا کیا گیا جن میں فیضان، علی حسنین، سلمان اور 12 سالہ عمران شامل تھے، ان کی لاشیں جھاڑیوں سے ملی تھیں جبکہ بچوں سے زیادتی کی بھی تصدیق ہوئی تھی۔

واقعے کے بعد چونیاں شہر میں عوام کی جانب سے شدید احتجاج کیا گیا اور تھانے پر حملہ کیا گیا تھا، وزیراعلیٰ پنجاب نے بچوں کے قتل کے واقعے کی تحقیقات کے لیے ڈی پی او کی سربراہی میں جوائنٹ انویسٹی گیشن ٹیم تشکیل دی تھی۔

Comments

comments

یہ بھی پڑھیں