جوہر موبائل مارکیٹ میں‌ چھرا مار شخص کی موجودگی کی اطلاع، محاصرہ، ملزم گرفتار
The news is by your side.

Advertisement

جوہر موبائل مارکیٹ میں‌ چھرا مار شخص کی موجودگی کی اطلاع، محاصرہ، ملزم گرفتار

کراچی: گلستان جوہر میں چھرا مار ملزم کی موجودگی کی اطلاع پر رینجرز نے محاصرہ کرکے ایک مشتبہ شخص کو گرفتار کرکے نامعلوم مقام پر منتقل کردیا۔

تفصیلات کے مطابق مددگار 15 پر ایک شہری نے اطلاع دی کہ گلستان جوہر کی موبائل مارکیٹ میں چھرا مار ملزم موجود ہے جس پر رینجرز نے فور ی طور پر موبائل مارکیٹ کا محاصرہ کرکے ایک ملزم کو گرفتار کرکے نامعلوم جگہ منتقل کردیا۔

رینجرز کے محاصرے کے وقت پولیس بھی موجود تھی، مارکیٹ کے گرد لوگوں کا جم غفیر پہنچ گیا جو ملزم کی جھلک دیکھنے کے لیے بے تاب تھا۔

اطلاعات ہیں کہ گرفتار کیا گیا شخص مشکوک ہے تاہم یہی شخص ملزم ہے اس بارے میں کچھ کہنا قبل از وقت ہوگا۔


یہ پڑھیں: خواتین پرحملے کے ملزم کی شناخت ہوگئی، وزیراعلیٰ سندھ کا دعویٰ


قبل ازیں آج ہی وزیراعلیٰ سندھ سید مراد علی شاہ نے میڈیا کو بتایا کہ حملے کرنے والے ایک نہیں دو ملزمان ہیں، ایک کا تعلق ساہیوال سے ہے جب کہ دوسر ا کراچی کا رہنے والا ہے، ایک ملزم کی شناخت ہوگئی ہے جسے جلد گرفتار کرلیں گے۔

خیال رہے کہ اب تک چھرا مار ملزم کے شبے میں 15 افراد کو گرفتار کیا جاچکا ہے جنہیں تفتیش کے بعد رہا کردیا گیا، اب یہ 16 واں ملزم ہے جسے حراست میں لیا گیا ہے۔

گلستان جوہر میں خواتین پر تیز دھار آلے سے حملے کرنے کے واقعات 25 ستمبر سے شروع ہوئے اور اب تک 15 خواتین کو حملوں میں زخمی کیا جاچکا ہے جن میں سے بیشتر کے جسم پر ٹانکے آئے ہیں۔

Comments

comments

یہ بھی پڑھیں