واشنگٹن: امریکی خفیہ ایجنسی کے سربراہ جان برینن نے کہا ہے کہ صدر بننے کے بعد ٹرمپ کو اپنی زبان قابو میں کرنی ہوگی اور انہیں کوئی بھی پیغام یا ٹوئٹ کرنے سے پہلے اس بات کا خیال رکھنا ہوگا کہ اُس عمل سے ملکی مفادات متاثر نہ ہوں۔
ان خیالات کا اظہار سی آئی اے کے سربراہ جان برینن نے امریکی ٹی وی کوانٹر ویو دیتے ہوئے کیا۔ انہوں نے کہا کہ امریکی صدر بننے کےبعد ٹرمپ کواپنی زبان پر قابو میں رکھنا ہو گا، ٹرمپ کو ٹوئٹر پیغام میں یقینی بناناہوگاکہ ملکی مفادات متاثر نہ ہو۔
جان برینن نے کہا کہ اب معاملہ ڈونلڈ ٹرمپ کا نہیں بلکہ امریکی ریاست کا ہے، حلف لینے کے بعد ٹرمپ کے لیے امریکا کا مفاد اولین ہوگا جبکہ انہیں روسی خطرے کا صحیح ادراک نہیں ہے۔
دوسری جانب نومنتخب امریکی صدر نے سماجی رابطے کی ویب سائٹ پر ٹوئٹ کرتے ہوئے کہا ہے کہ گزشتہ کئی سال امریکا تقسیم رہا جس کی وجہ سے عوام میں غصہ اور عدم اعتماد پیدا ہوا۔
For many years our country has been divided, angry and untrusting. Many say it will never change, the hatred is too deep. IT WILL CHANGE!!!!
— Donald J. Trump (@realDonaldTrump) January 15, 2017
انہوں نے کہا کہ بہت سے لوگوں نے دعویٰ کیا کہ امریکا میں تبدیلی نہیں آئے گی جبکہ میں ہمیشہ یہی کہتا ہوں کہ امریکا میں تبدیلی آئے گی اور عوام جلد اُس کو محسوس بھی کریں گے۔