The news is by your side.

Advertisement

سنیما گھر کب سے کھلیں گے؟

کورونا وائرس کی عالمی وبا نے پوری معیشت کو بھٹہ بٹھا دیا، تعلیمی اداروں، کاروباری مراکز اور تفریحی مقامات سمیت تقریباً تمام شعبے اس سے شدید متاثر ہوئے، تاہم وقت گزرنے کے ساتھ ساتھ ان سب پر عائد پابندیوں کو رفتہ رفتہ ہٹا دیا گیا۔

اس تمام صورتحال میں صرف سینما گھر ہی وہ واحد تفریح گاہ ہے جس پر متعلقہ حکام کی نظر کرم تاحال نہیں ہوئی ہے، جس کی وجہ سے سینما گھروں سے وابستہ ملازمین کے گھروں میں فاقہ کشی کی نوبت آچکی ہے۔

اس حوالے سے اے آر وائی نیوز کے پروگرام باخبر سویرا میں تحریک انصاف کے رہنما سینیٹر فیصل جاوید نے بتایا کہ ملک میں سینما گھروں کی تعداد بہت کم ہے اس کے علاوہ جب این سی او سی فیصلہ کرے گا جب انہیں کھول دیا جائے گا۔

فیصل جاوید نے کہا کہ ہماری پوری کوشش ہے کہ عید الفطر تک ایس او پیز کی شرائط کے تحت سینما گھروں کو کھول دیا جائے اور سنیما مالکان اور فنکاروں کیلئے بھی ایک پیکج دینے کیلئے بھی بات چیت ہورہی ہے۔

فلم ڈسٹری بیوٹر ندیم مانڈوی والا نے پروگرام میں گفتگو کرتے ہوئے کہا کہ ہماری حکومت سے بات چیت جاری ہے اور سینما گھر کھلے تو عید الفطر تک کھل جائیں گے کینکہ سینما گھر مالکان بھی یہی چاہتے ہیں کہ انہیں ماہ رمضان کے بعد ہی کھولا جائے۔

انہوں نے کہا کہ صرف پاکستان ہی نہیں پوری دنیا میں ہی سنیما انڈسٹری مسائل کا شکار ہے، بھارت میں بھی تمام سینما گھر کھلنے کے باوجود وہاں شائقین کی تعداد انتہائی کم ہے۔

Comments

یہ بھی پڑھیں