لاس اینجلس : گزشتہ ماہ ہالی ووڈ اداکار نے شوٹنگ کے دوران خاتون کیمرہ مین پر فائرنگ کردی جس کے نتیجے میں اس نے موقع پر ہی جان دے دی۔
تاہم کافی دن بعد اداکار ایلک بالڈون اپنے ہاتھوں گولی چلنے سے خاتون کی موت کے بعد پہلی بار میڈیا کے سامنے آگی بالڈون کے ہاتھوں سنیما ٹوگرافر کی حادثاتی موت کے واقعے کے بعد اداکار اور اُن کی اہلیہ نے پہلی بار میڈیا کاسامنا کیا۔
اس دوران دونوں ہی ہچکچاہٹ اور غصے کا شکار نظر آئے جبکہ بالڈون نے واقعے سے متعلق کچھ بھی کہنے سے گریز کیا۔
واضح رہے کہ شیرف آفس نے ایک بیان جاری کرتے ہوئے کہا تھا کہ شیرف آفس نے تصدیق کی ہے کہ فلم “رسٹ” کے سیٹ پر دو افراد، 42سالہ فوٹو گرافی ڈائریکٹر ہیلینا ہنچِس اور 48سالہ ڈائریکٹر جوئل سوزا کو اداکار اور پروڈیوسر 68 سالہ ایلیک بالڈون کی غلطی سے گولی لگ گئی۔
ہالی ووڈ اداکار نے خاتون کیمرہ مین پر فائرنگ کردی
پولیس حکام نے واقعے کی مزید تحقیقات شروع کردی ہیں، شیرف آفس کے بیان کے مطابق حادثے کی بابت اس وقت تک کوئی باقاعدہ مقدمہ درج نہیں کیا گیا ہے۔