پنجاب میں ضمنی انتخابات کے دوران حلقہ پی پی 167 میں شہری کو ووٹر لسٹ میں مردہ قرار دینے کا انکشاف ہوا ہے۔
اے آر وائی نیوز کے مطابق محمد یونس نامی ووٹر کا کہنا ہے کہ جب ووٹ کاسٹ کرنے پہنچا تو میرا نام مردہ لسٹ میں تھا، تین سے چار پولنگ اسٹیشن میں گیا تو کہا گیا آپ تو مردہ ہیں۔
ووٹر نے بتایا کہ میں زندہ ہوں مردہ قرار نہیں دیا جا سکتا اور میں ووٹ ڈالوں گا۔
دوسری جانب پی پی167 میں کارکنان اور پولیس آمنے سامنے آنے کے باعث صورتِ حال کشیدہ ہوگئی۔ ٹاؤن شپ میں آر او آفس کے سامنے دھکم پیل ہوئی۔
پولیس اور پی ٹی آئی کے امیدوار مبشر گجر کے درمیان تلخ کلامی ہوئی۔ آر او آفس کے باہر پولیس کی بھاری نفری بھی موجود ہے۔ پولیس نے شبیر گجر کو آر او آفس جانے سے روک دیا۔