کراچی: شہر قائد میں ڈکیتی کے دوران ایک اور شہری کی جان چلی گئی، گلشن اقبال میں ڈکیتی کی واردات کے دوران دو طرفہ فائرنگ میں احسن نامی شہری جاں بحق ہو گیا۔
تفصیلات کے مطابق کراچی کے علاقے گلشن اقبال بلاک 11 میں فائرنگ سے ایک شخص جاں بحق ہو گیا ہے، واقعے کی سی سی ٹی وی فوٹئج اے آر وائی نیوز نے حاصل کر لی، جس میں فائرنگ کے بعد شہریوں کو بھاگتے دیکھا جا سکتا ہے۔
28 سالہ احسن کو فوٹیج میں بھاگتے ہوئے اور پھر گولی لگ جانے کے بعد گرتے دیکھا جا سکتا ہے۔
پولیس حکام کا کہنا ہے کہ ڈاکو ہوٹل کے باہر لوٹ مار کر رہے تھے کہ سیکیورٹی گارڈ نے ان پر فائرنگ کر دی، تاہم ڈاکؤوں کی جوابی فائرنگ کی زد میں آ کر احسن جاں بحق ہو گیا، مقتول شہری پان کے کیبن کے قریب موجود تھا۔
کراچی میں ڈکیتی کے دوران قتل ہونے والوں کی تعداد 45 ہو گئی ہے۔
کراچی میں یوم مزدور پر ایک محنت کش نوجوان ڈاکوؤں کی فائرنگ سے مارا گیا گلشن اقبال بلاک 11 میں ہونے والے اس افسوسناک قتل کی سی سی ٹی وی فٹیجز میں مقتول احسن کو گولی لگنے کے بعد سڑک پر تڑپاتا دیکھا جاسکتا ہے۔@KarachiPolice_ pic.twitter.com/fazJmAXoF4
— Afzal Khan افضل (@Afzalkhan80s) May 1, 2023
