The news is by your side.

Advertisement

سٹیزن پورٹل کی کارروائی : 52 سال بعد زمین حقدار کو مل گئی

اسلام آباد : پاکستان سٹیزن پورٹل (پی سی پی) نے شہری کی شکایت پر فوری کارروائی کرتے ہوئے سالوں پہلے قبضہ کی گئی زمین واپس دلوادی۔

تفصیلات کے مطابق پاکستان سٹیزن پورٹل کی ویب سائٹ پر قبضہ مافیا کیخلاف کی گئی شکایت پرفوری کارروائی کی گئی۔

انتظامیہ نے52سال سے زیر قبضہ زمین شکایت کنندہ کو واپس دلوا دی، وزیرآباد میں قبضہ مافیا کیخلاف ایک سائل نے شکایت درج کرائی تھی۔

شکایت کنندہ کے مطابق قبضہ مافیا نے کئی سال قبل ٹھیکے پر دی گئی 3کروڑ مالیت کی اراضی پر قبضہ کر رکھا تھا، اراضی کا مالک ایک طویل عرصہ سے ٹھیکے کی رقم سے محروم تھا۔

مسقط میں مقیم پاکستانی درخواست گزار محمد علی نے وزیراعظم عمران خان اور سٹیزن پورٹل کا شکریہ ادا کیا ہے، یاد رہے کہ وزیراعظم کی ہدایت پر سٹیزن پورٹل عوامی مسائل حل کرنے میں کوشاں ہے۔

Comments

یہ بھی پڑھیں