The news is by your side.

Advertisement

سٹیزن پورٹل : وزیر اعظم عمران خان کا 33ہزار شکایات دوبارہ کھولنے کا حکم

اسلام آباد : پاکستان سٹیزن پورٹل پر عوامی شکایات کے ازالے اور مزید مؤثرحل کیلئے وزیراعظم نے نوٹس لے لیا، وزیراعظم نے پی ایم ڈیلیوری یونٹ کو33ہزار شکایات کو دوبارہ کھولنے کا حکم دے دیا۔

انہوں متعلقہ محکموں کو14روز کےاندرشکایات حل کرنے کی ہدایت کردی، اس سلسلے میں وزیراعظم آفس سے ہدایات جاری کی گئی ہیں کہ افسران شکایات کے حل کے بعد اسے اداروں کے سربراہان کے نوٹس میں لائیں۔

شکایات کی درست تفصیلات نہ دینے والے افسران کیخلاف کارروائی ہوگی، اس کے علاوہ وزیراعظم عمران خان نے خارج شدہ شکایات بھی دوبارہ کھولنے کا حکم دیا۔

ان کا کہنا ہے کہ جن شہریوں نے اپنی شکایات واپس لیں ہیں ڈیلیوری یونٹ ان سے بھی رابطہ کرے، شکایات واپس لینے والے شہریوں سے پوچھا جائے کہ انہوں نے کسی دباؤ میں آکر تو شکایات واپس تو نہیں لیں؟

اس حوالے سے ذرائع کا کہنا ہے کہ سٹیزن پورٹل استعمال کرنے والوں کی تعداد9لاکھ60ہزار سے تجاوز کرگئی ہے، سٹیزن پورٹل پر سات لاکھ64ہزار657شکایات درج ہوئیں جن میں سے چھ لاکھ17ہزار239 شکایات اب تک حل کی جاچکی ہیں۔

مزید پڑھیں: سٹیزن پورٹل پرعوامی مسائل حل نہ کرنے والے متعدد افسران معطل، شوکاز نوٹس جاری

اس کے علاوہ جعلی اور جھوٹی شکایات درج کرانے والے50ہزارصارفین کو نوٹسز جاری کیے گئے ہیں، مسلسل جعلی شکایات درج کرنے والوں کو فہرست سے بلاک کردیا جائے گا۔

Comments

comments

یہ بھی پڑھیں