کراچی : شیرشاہ میں شہری نے لوٹنے والے ڈاکوؤں پر فائرنگ کرکے ایک کو ہلاک اور ایک کو زخمی کردیا۔
تفصیلات کے مطابق کراچی میں اسٹریٹ کرمنلز بے قابو ہے ، جس کے بعد شہریوں نے خود ملزمان پکڑنا شروع کر دیے۔
کراچی کے علاقے شیر شاہ میں شہری نے ڈکیتی کرنے والوں پر فائرنگ کرکے ایک کو ہلاک اورایک کو زخمی کر دیا۔
پولیس کے مطابق شیرشاہ کےعلاقے میں شہری نجی بینک سے رقم نکلوا کر اپنی جگہ پہنچا ہی تھا کہ پیچھے ڈکیت بھی آگئے ، شہری نے مزاحمت کرتے ہوئے اپنے اسلحے سے ڈکیتیوں پرفائرنگ کردی۔
جس سے ایک ڈکیت ہلاک ایک زخمی ہوگیا ،مسلح ڈاکوؤں کی فائرنگ سے ایک راگیرغلام حسین زخمی ہوا ، جسے سول اسپتال منتقل کردیا۔
دوسرے واقعے میں کریم آباد کے قریب مسلح ڈاکوؤں نے شہری سے لوٹ مار کی کوشش کی، قریب موجود لوگوں نے پکڑنا چاہا تو ڈاکو ہوائی فائرنگ کرتے ہوئے فرارہوگئے۔
ڈاکو پکڑے جانے کے خوف سے اپنی موٹر سائیکل بھی راستے میں ہی چھوڑ گئے ، شہریوں نےغصہ میں آکرڈاکوؤں کی موٹر سائیکل کوآگ لگادی۔
