کراچی : سول ایوی ایشن انتظامیہ نے ڈینگی سے متعلق الرٹ جاری کرتے ہوئے ملازمین کو دفاتر اور گھروں میں احتیاطی تدابیر اپنانے کی ہدایت کردی۔
تفصیلات کے مطابق سول ایوی ایشن انتظامیہ نے ڈینگی سے متعلق الرٹ جاری کردیا ، جس میں کہا گیا ہے کہ چند دنوں سے ڈینگی کیسز میں اضافہ ہوا ہے، سی اے اے ملازمین دفاتر اور گھروں میں احتیاطی تدابیر اپنائیں۔
الرٹ میں کہا گیا ہے کہ متعلقہ شعبہ ،رہائشی کالونیز،دفاتر میں ڈینگی بچاؤکااسپرےکریں، سی اے اے کےمتعددملازمین گزشتہ دنوں میں ڈینگی کاشکار تھے۔
جاری الرٹ میں کہا گیا ہے کہ سی اے اے ملازمین میں ڈینگی بچاؤمہم بھی چلائی جائے، تمام ملازمین مچھر دانیوں کا استعمال کریں۔
دوسری جانب محکمہ صحت نے ڈینگی کے کیسزکے اعداد وشمار جاری کردیے، جس میں کہا ہے کہ ضلع وسطی میں ڈینگی کے11کیسز ، غربی میں 2کیسز ،کورنگی میں 9کیسزسامنے آئے۔
اسی طرح ضلع شرقی میں 6،جنوبی میں 9کیسز ، ضلع ملیر میں اب تک 03 کیسز رپورٹ ہو چکے ہیں جبکہ حیدرآباد میں22 ،مٹیاری ،گھوٹکی سے ڈینگی کا1،1کیس رپورٹ ہوا۔
محکمہ صحت سندھ کا کہنا ہے کہ یکم نومبر تک مجموعی طور پر 67 کیسز رپورٹ ہوئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں