The news is by your side.

Advertisement

سول ایوی ایشن اتھارٹی نے ایئرپورٹ چارجز اور ایمبارکیشن فیس میں اضافہ کردیا

کراچی : سول ایوی ایشن اتھارٹی نے ایئرپورٹ چارجز اور ایمبارکیشن فیس میں اضافہ کردیا، بیرون ملک جانے والے مسافروں سے ایئرپورٹ چارجز کی مد میں 2800 روپے وصول کیے جائیں گے جبکہ غیر ملکی مسافر 20 ڈالر ادا کرے گا۔

تمام ائر پورٹس پر بین الاقوامی پروازوں کے لئے ایمبارکیشن فیس کی وصولی یکساں کر دی گئی ہے، ایمبارکیشن فیس سمیت دیگر نظر ثانی شدہ فیسوں کا اطلاق یکم نومبر 2019 سے ہوگا۔

نئی ایمبارکیشن فیس اکانومی کلاس پر دو ہزار اور بزنس کلاس کے لئے فی مسافر تین ہزار روپے مقرر کی گئی ہے، اس سے قبل پرانے شیڈول میں مختلف ائرپورٹس کے لئے ایمبارکیشن فیس کے مختلف نرخ مقرر تھے۔

پرانے شیڈول میں ملتان، اسلام آباد، پشاور اور فیصل آباد کے لئے فیس بالترتیب دو اور تین ہزار روپے جبکہ دیگر ائرپورٹس کے لئے یہ فیس بالترتیب15 سو اور تین ہزار روپے مقرر تھی، اس کے علاوہ تمام ایئر لائنز کو فیس میں فرق پر مبنی رقم کا چیک ان کاؤنٹرز پر وصولی سے روک دیا گیا ہے

سول ایوی ایشن اتھارٹی کے مطابق گزشتہ تاریخوں میں یکم نومبر کے بعد سفر کے لئے خریدے گئے ٹکٹوں پر بھی نئی فیس کا اطلاق ہوگا۔

دوسری جانب سول ایوی ایشن اتھارٹی نے نئی ایوی ایشن پالیسی پر عملدرآمد شروع کردیا ہے، سی اے اے نے بین الاقوامی پروازوں پرایئرو ناٹیکل چارجز میں دس فیصد تک اضافہ کردیا۔

کراچی اور لاہور ریجن پر آنے والی غیر ملکی ایئرلائن ایئرو ناٹیکل چارجز کا اطلاق یکم نومبر سے ہوگا، لاہور اور کراچی ریجن میں لینڈنگ چارجز، ری فیولنگ، ایئربرج ،ٹرمینل نیوی گیشن چارجز، اورایئرپورٹ چارجز شامل ہوں گے۔

سی اے اے نے پیک اوورز کے دوران لینڈنگ ہونے والی پرواز کے چارجز میں بھی پچیس فیصد اضافہ کیا ہے جس کا اطلاق لاہور اور اسلام آباد ایئرپورٹ پر ہوگا، مذکورہ ایئرپورٹس پر لینڈنگ کے بعد دو گھنٹے کے اندر ری فیولنگ کرائی گئی تو دو سے پانچ فیصد چارجز اضافہ ہوگا۔

سی اے اے نے لاہور ایئرپورٹ پر غیر ملکی ایئرلائنز کی ایئربرج پارکنگ فیس میں اضافہ کیاگیا ہے،100 ٹن کے دوران160 ڈالر وصول کیے جائیں گے جبکہ کراچی ایئرپورٹ پر سو ٹن پر 225 ڈالر وصول کیے جائیں گے۔

Comments

comments

یہ بھی پڑھیں