The news is by your side.

Advertisement

سول ایوی ایشن نے مسافروں کے سامان کی ریپنگ چارجز میں کمی کا اعلان کردیا

کراچی : ایئر پورٹ پر مسافروں کے سامان کی ریپنگ کے چارجز میں کمی اور کھانے پینے کی اشیاء کی قیمتیں کم اور فکس کر دی گئی ہیں، مشروبات، ادویات اور موبائل کارڈز کم اور یکساں ریٹ پر میسر ہوں گے۔

تفصیلات کے مطابق سول ایوی ایشن اتھارٹی نے مسافروں کے بیگ کی ریپنگ چارجز میں کمی کا اعلان کرتے ہوئے چار سو روپے فی بیگ سے کم کر کے صرف پچاس روپے کر دیئے۔

اس سلسلے میں سول ایوی ایشن اتھارٹی نے نوٹیفکیشن بھی جاری کر دیا ہے۔ تفصیلات کے مطابق سول ایوی ایشن اتھارٹی کی ایگزیکٹو کمیٹی کا اجلاس سیکرٹری ہوا بازی ڈائریکٹرجنرل سی اے شارخ نصرت کی صدارت میں ہوا۔

اجلاس میں اہم فیصلے کیے گئے گئے، اجلاس میں فیصلہ کیا گیا کہ ملک بھر کے تمام ہوائی اڈوں پر ریپنگ چارجر400 روپے کے بجائے50 روپے کردئیے گئے ہیں۔

بیگوں کی ریپنگ بھی مسافروں کی اپنی صوابدید پر ہوگی۔ اس سے قطع نظر بیگ کا سائز بڑا ہو یا چھوٹا یہ چارجز تمام سائز کے بیگوں پر یکساں لاگو ہوں گے۔

سول ایوی ایشن اتھارٹی کے مطابق یہ سہولت مسافروں کے لئے اختیار کی گی ہے جبکہ تمام ہوائی اڈوں پر کھانے پینے کی اشیاء کی قیمتوں میں بھی مسافروں اور استقبال کے لیے آنے والوں کو فائدہ پہنچانے کے لیے کافی حد تک کم کردی گئی ہیں۔

علاوہ ازیں سول ایوی ایشن نے مسافروں کی سہولت کیلئے اہم اقدام کیا ہے، ملک بھر کے تمام ائیرپورٹس پر اشیاء کی قیمتیں کم اور فکس کر دی گئی ہیں۔

اس حوالے سے ترجمان سول ایوی ایشن کا کہنا ہے کہ ملک کے تمام ائیرپورٹس پر اشیاء خوردو نوش کے قیمتیں یکساں رکھنے کا حکم جاری کردیا گیا ہے۔ مشروبات، ادویات کھانے کی اشیاء اور موبائل کارڈز کم اور یکساں ریٹ پر میسر ہوں گے۔

ائیرپورٹس پر دکاندار اشیاء کے نرخ کی فہرست واضح طور پر آویزاں کریں گے اور اضافی قیمت وصول کرنے والے دکانداروں کے خلاف سخت کارروائی ہوگی۔

Comments

comments

یہ بھی پڑھیں