The news is by your side.

Advertisement

بڑی عید ، مسقط میں پھنسے پاکستانیوں کیلئے خوشخبری

کراچی : سول ایوی ایشن اتھارٹی نے عمان کی ایئرلائن سلام ایئر کو پاکستان میں لینڈنگ کی اجازت دے دی، جس کے بعد مسقط میں پھنسے پاکستانی بڑی عید پیاروں کے ساتھ مناسکیں گے۔

تفصیلات کے مطابق مسقط میں پھنسے پاکستانیوں کیلئے خوشخبری آگئی ، پاکستانی بڑی عید پیاروں کے ساتھ مناسکیں گے، سول ایوی ایشن اتھارٹی نے عمان کی ایئرلائن سلام ایئرکوپاکستان میں لینڈنگ کی اجازت دے دی ، سلام ایئر مسقط میں پھنسے ہم وطنوں کو 6 پروازوں کے ذریعے واپس لائے گی۔

سول ایوی ایشن کے شعبہ ایئرٹرانسپورٹ نے باضابطہ طور پر اجازت نامہ جاری کردیا، جس میں سلام ایئر لائن کو پروازیں چلانے کی اجازت دے۔

سی اےاے کے مطابق سلام ایئر کی خصوصی پروازیں26جولائی سے 2اگست تک آپریٹ ہوں گی، خصوصی پروازیں مسقط سےکراچی ، سیالکوٹ، ملتان، اسلام آباد، لاہور اور پشاورپہنچیں گی۔

اجازت نامے میں کہا گیا ہے کہ 26 جولائی کو مسقط سے 200سے زائد مسافروں کو لیکر خصوصی پرواز کراچی پہنچے گی جبکہ 28جولائی کو 200سے زائد مسافروں کو لیکر پرواز مسقط سے سیالکوٹ پہنچے گی۔

سی اےاے کا کہنا ہے کہ 29 جولائی کو مسقط سے ملتان، 30 جولائی کو پرواز اسلام آباد ، 31جولائی کو پشاور اور2 اگست کو مسقط سے لاہور مسافروں کو لایا جائے گا۔

سول ایوی ایشن کے مطابق سلام ایئرکورونا کے حوالے سے جاری ایس او پیز پر عملدرآمدکرے، طیارے کے عملے کو ایئرپورٹ پر جہاز سے اترنے کی اجازت نہیں ہوگی جبکہ طیارہ، مسافروں اور سامان کو ایس او پیز کے تحت ڈس انفیکٹ کیا جائے۔

Comments

یہ بھی پڑھیں