ایوی ایشن انڈسٹری کی ترقی حوصلہ افزا ہے، ایئر مارشل سہیل امان
The news is by your side.

Advertisement

ایوی ایشن انڈسٹری کی ترقی حوصلہ افزا ہے، ایئر مارشل سہیل امان

اسلام آباد : پاک فضائیہ کے سربراہ ایئر چیف مارشل سہیل امان نے کہا ہے کہ محفوظ فضائی آپریشنز ترقی کی راہ پر تیزی سے گامزن ہونےکی ضمانت ہے جس کے لیے احساس ذمہ داری کے ساتھ ساتھ مہارت کی بھی ضرورت ہے۔

یہ بات انہوں نے پاک فضائیہ کے زیر اہتمام ’’پاکستان میں ایوی ایشن سیفٹی‘‘ کے عنوان سے ہونے والے سیمینار سے خطاب کرتے ہوئی کہی ایئر چیف کا کہنا تھا کہ پاکستان میں ایوی ایشن انڈسٹری کی ترقی حوصلہ افزا ہے۔

پاک فضائیہ ایئر مارشل سہیل امان نے کہا کہ ملک کی تعمیر و ترقی اور معیشت میں بڑھوتی کے لیے محفوظ فضائی آپریشنز لازمی ہیں جس کے لیے ایسے سیمینار منعقد ہوتے رہنے چاہیے اور متعلقہ انجینیئرز، کارکن اور دیگر عملے کو ایسے معلوماتی پروگرامز سے جدید تحقیق سے متعلق آگاہی حاصل کرتے رہنا چاہیے۔

انہوں نے مزید کہا کہ فلائٹ سیفٹی ہم سب کی مشترکہ ذمہ داری ہے جس کے کے لیے ضروری معلومات سے آگاہی اور جدید تحقیق تک رسائی نہایت ضروری ہے چنانچہ اس فیلڈ سے وابستہ ہر شخص کو ایسے سیمینارز سے استفادہ کرنا چاہیے۔

پاک فضائیہ کے زیر اہتمام ہونے والے سیمینار ’’پاکستان میں ایوی ایشن سیفٹی‘‘ میں فضائی ماہرین اور محققین نے شرکت کی اور اپنے تجربات بیان کیے جب کہ پاک فضائیہ کے سربراہ ایئر مارشل سہیل امان مہمان خصوصی تھے۔

Comments

comments

یہ بھی پڑھیں