کراچی : ڈائریکٹر جنرل سول ایوی ایشن اتھارٹی خاقان مرتضیٰ جمعہ 11 فروری کو دن 02:30 بجے سے سہ پہر 04:30 بجے تک 19 ویں کھلی ای-کچہری کا براہ راست انعقاد کریں گے۔
سی اے اے ای-کچہری کا مقصد مسافروں کو ائرپورٹس پر پیش آنے والی مشکلات کو سننا اور ان کے حل کے لئے ہر ممکن اقدامات کرنا ہے۔
شکایت کنندگان سے درخواست ہے کہ آن لائن ای کچہری کے دوران اپنے نام، رابطے کی تفصیلات، ای میل اور ایئر پورٹ کا نام کمنٹ باکس میں ضرور لکھیں۔
ڈائریکٹر جنرل پی سی اے اے سے http://facebook.com/pcaa.official پر رابطہ کیا جا سکے گا۔
سول ایویشن اتھارٹی نے عوامی سہولت کے پیش نظر وزیراعظم اور وزارت ہوا بازی کی خصوصی ہدایات پر آن لائن کھلی کچہریوں کا سلسلہ تواتر سے شروع کر رکھا ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں