The news is by your side.

Advertisement

سینئر اینکر پرسن ارشد شریف سمیت دیگر شخصیات کو سول اعزازات سے نوازا گیا

اسلام آباد : یوم پاکستان کے موقع پر مختلف شخصیات کو اعلیٰ کارکردگی پر سول اعزازات سے نوازا گیا، ایوان صدر میں منعقدہ تقریب میں صدر مملکت ڈاکٹر عارف علوی نے ایوارڈز تقسیم کیے۔

تفصیلات کے مطابقصدرِ پاکستان ڈاکٹر عارف علوی نے یوم پاکستان پر اپنے شعبہ جات میں اعلیٰ کارکردگی کا مظاہرہ کرنے پر سول ایوارڈز تقسیم کیے، ایوان صدر میں منعقدہ پروقار تقریب میں مختلف شخصیات کو نشان امتیاز، ہلال امتیاز، ستارہ شجاعت اور صدارتی ایوارڈ برائےحسن کارکردگی کے اعزازات سے نوازا گیا۔

انویسٹی گیٹو جرنلزم پر اے آر وائی نیوز کے سینئراینکر ارشد شریف کو بھی ایوارڈ سے نوازا گیا، نشان امتیاز حاصل کرنے والوں میں شعیب سلطان اور ستارہ پاکستان کیلئے رومانیہ کی وجیہہ حارث، محمد الیاس آزاد جموں و کشمیر حق دار قرار پائے۔

ظہیر ایوب بیگ، غلام اصغر، پروفیسر ڈاکٹر تصورحیات، کرکٹر وسیم اکرم، وقاریونس، مائیکل جینسن اور، ڈاکٹرعبدالباری کو ہلال امتیاز دیا گیا۔

اس کے علاوہ شہید محمد ادریس، شہید نوابزادہ سراج رئیسانی، شہید اسدعلی، شہید انجینئر معراج احمد عمرانی کو بھی ستارہ شجاعت کا اعزاز دیا گیا۔

ستارہ امتیاز کا ایوارڈ پانے والوں میں ڈاکٹر عنایت اللہ، عطااللہ عیسیٰ خیلوی، شمیم احمد شیخ (کینڈا)، ڈاکٹرآصف ندیم رحمان (امریکا) ضیاء الحسن پاکستان، اسٹیون جے بورین(امریکا)، جیمزاے نیے (امریکا) ثمرعلی خان، عقیل کریم ڈھیڈی، صائمہ شہباز، نیلوفرسعید، سید ابو احمد عاکف اور پیر محمد دیوان شامل ہیں۔

علاوہ ازیں صدارتی ایوارڈ برائے حسن کارکردگی کا اعزاز انویسٹی گیٹو جرنلزم پر اے آر وائی نیوز کے سینئراینکر ارشد شریف، انجینئر ڈاکٹر ناصر محمود، عشرت فاطمہ، ریماخان اور لقمان علی افضل کو دیا گیا۔

Comments

comments

یہ بھی پڑھیں