عام طور پر محبت کا اظہار کرنے کے لیے لوگ رومانوی مقامات یا لمحات کا انتظار کرتے ہیں مگر امریکی ریاست نیو یمپشائر میں سول انجینئر نے پل کی تعمیر کے دوران اپنی ساتھی سے محبت کا اظہار کر کے سب کو حیران کردیا۔
رپورٹ کے مطابق ڈان ڈیل توفو اور اُن کی ساتھی جولیا کالمیرٹین پیشے کے اعتبار سے سول انجینئر ہیں اور دونوں ایک دوسرے کو یونیورسٹی دور سے ہی جانتے ہیں۔
دونوں نے ایک ساتھ ایک ہی یونیورسٹی میں اپنی تعلیم مکمل کی اور پھر ایک ہی کمپنی میں بطور سول انجینئر ملازمت اختیار کی۔
ڈیل توفو نے اپنے ساتھیوں کو پہلے ہی اپنے پروگرام کا بتادیا تھا اس لیے انہوں نے اس لمحے کو یادگار بنانے کے لیے کیمرے کا انتظام کر کے رکھا ہوا تھا۔
جولیا جیسے ہی وہاں پہنچیں تو ڈیل نے انہیں مخاطب کیا جس پر وہ سمجھیں کہ شاید کسی کام سے بلا رہے ہیں، جیسے ہی خاتون پیچھے گھومیں تو سول انجینئر نے گھٹنوں کے بل بیٹھ کر انہیں شادی کی پیش کش کی۔
خاتون یہ منظر دیکھ کر خود بھی حیران رہ گئیں اور پھر انہوں نے اپنے ساتھی کی پیش کش کو قبول کیا۔
#UNHLove 💙💙 Memorial Bridge will always be a special place for Dan Del Tufo and Juila Kallmerten (both #UNH15) who met while they were engineering students at #UNH. The two #UNHalumni worked on The Living Bridge project and got engaged there last Saturday while it was elevated! pic.twitter.com/ghNARtoZFP
— UNH Alumni 🐾 (@UNHAlumni) January 28, 2020
ڈیل کے ساتھیوں کا کہنا تھا کہ پُل کی تعمیر سے پہلے ایک گھر آباد ہوگیا، یہ منصوبہ کمپنی اور ہمارے ساتھیوں کے لیے بہت ہی مبارک ہے۔