The news is by your side.

Advertisement

کراچی: سول اسپتال میں کینسر ’روبوٹک سرجری‘ بالکل مفت

کراچی: شہرِ قائد میں قائم سندھ حکومت کے ماتحت چلنے والے سرکاری اسپتال میں روبوٹک آپریشن تھیٹر مکمل طور پر فعال ہوگیا جہاں مہنگے ترین آپریشن بالکل مفت کیے جاتے ہیں۔

تفصیلات کے مطابق کراچی میں قائم سول اسپتال میں 1978میں ربوٹک آپریشن تھیٹر قائم کیا گیا جبکہ پہلا آپریشن ماہرین نے 2011 میں کیا اور گزشتہ 7 سالوں کے دوران ہزاروں مریضوں کے کامیاب آپریشن ہوچکے ہیں۔

روبوٹ کے ذریعے کینسر سمیت دیگر بڑے امراض کی سرجریز کی جاتی ہے جو نہ تو زیادہ مہنگی ہیں اور نہ ہی غریب کی جیب پر بھاری پڑتی ہیں کیونکہ اسپتال میں علاج بالکل مفت کیا جاتا ہے۔

مزید پڑھیں: جناح‌ اسپتال کراچی میں‌ دنیا کا مہنگا ترین علاج بالکل مفت، ہزاروں‌ مریض‌ مستفید

ایک اندازے کے مطابق امریکا سمیت دیگر ممالک میں روبوٹ سرجری کروانے میں 35 لاکھ روپے کے اخراجات آتے ہیں علاوہ ازیں ادویات اور اسپتال کے اخراجات علیحدہ ہوتے ہیں جبکہ کراچی کے سرکاری اسپتال میں آپریشن سے لے کر مریض کے گھر جانے تک تمام چیزیں بالکل مفت ہوتی ہیں۔

اے آر وائی کے پروگرام باخبر سویرا میں گفتگو کرتے ہوئے پروفیسر ڈاکٹر ساجدہ قریشی نے بتایا کہ ربورٹ کے ذریعے مختلف اقسام کے کینسر کا کامیاب آپریشن کیا جاتا ہے جبکہ یورولوجی کی سرجریز میں بھی اسے استعمال کیا جاتا ہے۔

اُن کا کہنا تھا کہ روبوٹ کے ذریعے سرجری میں وقت کم لگتا ہے جبکہ مریض کا خون بھی ضائع نہیں ہوتا۔ سول اسپتال کے علاوہ پاکستان کے کسی بھی صوبے یا شہر میں یہ سہولت موجود نہیں البتہ کراچی کے قطر اسپتال میں مشین لائی گئی تھی جس کا زیادہ استعمال نہیں کیا گیا۔

Comments

comments

یہ بھی پڑھیں