سول اسپتال: روبوٹک سرجری مشین کی بحالی کیلئے فنڈزجاری -
The news is by your side.

Advertisement

سول اسپتال: روبوٹک سرجری مشین کی بحالی کیلئے فنڈزجاری

کراچی : سول اسپتال میں گزشتہ ڈیڑھ سال سے ناکارہ روبوٹک سرجری مشین کو بحال کرنے کیلئے فنڈز جاری کردئیے گئے۔

تفصیلات کے مطابق سول اسپتال کراچی کی روبوٹک سرجری مشین ڈیڑھ سال سے خراب پڑی تھی۔ وزیر اعلیٰ سندھ مراد علی شاہ کے نوٹس کے بعد مشین کی مرمت کیلئے رکے ہوئے فنڈز جاری ہو گئے۔

روبوٹک سرجری مشین کا یہ کمال ہے کہ کمپیوٹر کے ذریعے پچیدہ ترین آپریشن نہایت مہارت کے ساتھ کیے جاتے ہیں۔ یہ مشین گزشتہ ڈیڑھ سال سے خراب ہوکر بند پڑی تھی جسے اب دوبارہ فعال کیا جا رہاہے۔

سول اسپتال کراچی میں سال 2013میں روبوٹک سرجری مشین کے ذریعے مریضوں کے آپریشن کا آغاز کیا گیا تھا لیکن ڈھائی سال بعد یہ مشین خراب ہو گئی جس کی مرمت ڈیڑھ سال تک نہ ہوسکی۔

وزیراعلیٰ سندھ کی جانب سے نوٹس لیے جانے کے بعد متعلقہ محکمے نے روبوٹک سرجری مشین کی مرمت کے لئے فنڈ جاکر دیئے ہیں۔

Comments

comments

یہ بھی پڑھیں