site
stats
سندھ

سول سائٹی کے نمائندوں کا قائد ایم کیوایم کے بیان کیخلاف مظاہرہ

کراچی : برطانوی قونصل خانے کے قریب سول سائٹی کے نمائندوں نے ایم کیو ایم کے قائد کے خلاف احتجاجی مظاہرہ کرتے ہوئے مذمتی قرارداد قونصل خانے میں جمع کرادی۔

تفصیلات کے مطابق سول سائٹی کے نمائندوں نے برطانوی قونصل خانے کے قریب ایم کیو ایم کے قائد کے خلاف احتجاجی مظاہرہ کیا۔

تین تلوار کے قریب ہونے والے احتجاجی مظاہرے میں سول سوسائٹی کے لوگوں کی بڑی تعداد شریک تھی، جنہوں نے ایم کیو ایم کے قائد کی پاکستان کے خلاف نعرے بازی کی مذمت کی اور اے آر وائی نیوز پر حملے کی بھی شدید الفاظ میں مذمت کی۔

مظاہرین نے قونصل خانے میں ایک یاد داشت جمع کرائی جس میں قائد ایم کیو ایم کے گذشتہ روز کے بیان پر کارروائی کا مطالبہ کیا۔

مظاہرے کے دوران برطانوی قونصل خانے جانے والے راستے کو سیل کرکے ٹریفک کیلئے بند کیاگیا۔

واضح رہے کہ گزشتہ روز پریس کلب پر ایم کیو ایم کے بھوک ہڑتالی کیمپ میں قائد ایم کیو ایم نے اپنے خطاب میں پاکستان مخالف نعرے لگائے تھے۔

اس کے علاوہ ان کی جانب سے ٹی وی چینلز کے حوالے سے غصہ کا اظہار کرنے کے بعد کارکنان نے اے آر وائی نیوز کے دفتر پر حملہ کردیا تھا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top