The news is by your side.

چیف جسٹس اسلام آباد ہائیکورٹ پیر کو شہباز گل کی درخواست ضمانت پر سماعت کریں گے

اسلام آباد : چیف جسٹس ہائی کورٹ اطہر من اللہ پیر کو پی ٹی آئی رہنما شہباز گل کی درخواست ضمانت پر سماعت کریں گے۔

تفصیلات کے مطابق اسلام آباد ہائی کورٹ نے پی ٹی آئی رہنما شہبازگل کی درخواست ضمانت سماعت کیلئے مقرر کردی ہے۔

چیف جسٹس ہائیکورٹ پیر کوشہباز گل کی درخواست ضمانت پر سماعت کریں گے۔

شہباز گل نے ضمانت بعد از گرفتاری کے لیے اسلام آباد ہائیکورٹ سے رجوع کیا ہے ، درخواست میں ایس ایچ او کوہسار،سٹی مجسٹریٹ غلام مرتضیٰ ودیگر کو فریق بنایا گیا ہے۔

درخواست میں موقف اختیار کیا گیا ہے کہ 9اگست کو تھانہ کوہسار پولیس نے گرفتار کیا، درخواست گزار سابق وزیراعظم عمران خان کا چیف اسٹاف آفیسرہے۔

درخواست میں کہا گیا کہ 17اگست کو پمز کے سینئرزڈاکٹرز پر مشتمل میڈیکل بورڈ نے معائنہ کیا، اڈیالہ جیل ،پمز میڈیکل بورڈ کے مطابق درخواست گزار پر تشدد کے شواہد ملے۔

درخواست میں استدعا کی گئی کہ عدالت حتمی فیصلے تک ضمانت بعد از گرفتاری منظور کرے۔

Comments

یہ بھی پڑھیں