سپریم کورٹ خواجہ سراؤں کے حقوق کا ہر ممکن تحفظ کرے گی: چیف جسٹس Transgender
The news is by your side.

Advertisement

سپریم کورٹ خواجہ سراؤں کے حقوق کا ہر ممکن تحفظ کرے گی: چیف جسٹس

اسلام آباد: چیف جسٹس آف پاکستان جسٹس ثاقب نثار نے کہا ہے کہ سپریم کورٹ خواجہ سراؤں کے حقوق کا تحفظ کرے گی.

ان خیالات کا اظہار انھوں نے خواجہ سراؤں کے حقوق کے حوالے سے منعقدہ سیمینارسے خطاب کرتے ہوئے کیا.

چیف جسٹس کا کہنا تھا کہ پاکستان میں خواجہ سرا معاشرتی مسائل کاشکار ہیں، خواجہ سراؤں کے ساتھ اچھا سلوک نہیں کیا جاتا.

انھوں نے کہا کہ خواجہ سراؤں کوبھی عام انسانوں والےحقوق حاصل ہیں، خواجہ سراؤں کوووٹ کا حق پہلے ہی دیا جا چکا ہے، انھیں مزید حقوق دیے جائیں گے.

چیف جسٹس نے کہا کہ انسانی حقوق کی فراہمی کو یقینی بنانا ضروری ہے، بنیادی طور پر اللہ نے تمام انسانوں کو برابر بنایا ہے، یقین دلاتا ہوں کہ خواجہ سراؤں کے حقوق کا تحفظ کریں گے.


چیف جسٹس آف کے احکامات، خواجہ سراؤں کے شناختی کارڈز بننے کا عمل شروع


منصف اعلیٰ کا کہنا تھا کہ خواجہ سراؤں کے حقوق کی پاس داری عدلت عظمیٰ کی ذمہ داریوں میں شامل ہے، میرے لئے باعث فخر ہو گا کہ خواجہ سراؤں کےحقوق کے لئے کچھ کر سکوں.

یاد رہے کہ جون میں چیف جسٹس کے احکامات پر نادرا نے خواجہ سراؤں کے شناختی کارڈز بنانا شروع کیا تھا، جس کے بعد ان کے ووٹ کاسٹ کرنے کا حق آیا۔

Comments

comments

یہ بھی پڑھیں