The news is by your side.

چیئرمین جوائنٹ چیفس آف اسٹاف کمیٹی کا بھارت کو واضح پیغام

رسالپور : چیئرمین جوائنٹ چیفس آف اسٹاف کمیٹی جنرل ندیم رضا نے بھارت کو واضح پیغام میں کہا ہے کہ ہماری امن کی خواہش کوکمزوری نہ سمجھے۔

تفصیلات کے مطابق اصغرخان اکیڈمی رسالپور میں پاک فضائیہ کی 146 ویں گریجویشن کی تقریب ہوئی۔

پاس آؤٹ ہونے والے کیڈٹس نے شاندار مارچ پاسٹ کیا ، چیئرمین جوائنٹ چیفس آف اسٹاف کمیٹی جنرل ندیم رضا نے پریڈ کا معائنہ کرتے ہوئے کیڈٹس کو مبارک باد دی۔

چیئرمین جوائنٹ چیفس آف اسٹاف کمیٹی جنرل ندیم رضا نے پی اے ایف کی گریجویشن تقریب سے خطاب کرتے ہوئے کہا کہ تقریب میں شرکت پر بے حد خوشی محسوس کررہا ہوں، پاس آؤٹ گریجویٹس یادرکھیں کہ آج سے ان کی پیشہ ورانہ زندگی کا آغاز ہورہا ہے۔

جنرل ندیم رضا کا کہنا تھا کہ آپ کو ہمیشہ جدید ٹیکنالوجی، رجحانات سے ہم آہنگ ہونا ہوگا۔

چیئرمین جوائنٹ چیفس آف اسٹاف کمیٹی نے کہا کہ سعودی عرب سے پاکستان کے تاریخی، مذہبی ، ثقافتی اور برادرانہ تعلقات ہیں، سعودی رائل ایئرفورس کے کیڈٹس بھی آج پاس آؤٹ ہونیوالےگریجویٹس میں شامل ہیں۔

ان کا کہنا تھا کہ پاکستان پرامن بقائےباہمی کےاصول پر سختی سے کاربند ہے، عالمی امن کے قیام کیلئے پاکستان نے بڑی قربانیاں دی ہیں۔

جنرل ندیم رضا نے کہا کہ پاکستان ہر خطرات سے نمٹنے کیلئے پوری طرح تیار ہے، تنبیہ کرناچاہتاہوں کہ امن کی خواہش کوکوئی کمزوری نہ سمجھے۔

Comments

یہ بھی پڑھیں