The news is by your side.

Advertisement

اللہ تعالیٰ سب جاننے کے باوجود روز قیامت گواہیاں طلب کریں گے، چیف جسٹس آ صف کھوسہ

اسلام آباد : چیف جسٹس آ صف کھوسہ قتل کے ملزم شاہد حمید کوعدم شواہد کی بنیاد پر بری کرنے کا حکم دیتے ہوئے کہا گواہی لینےکااصول تواللہ تعالیٰ کابھی ہے، اللہ تعالیٰ سب جاننےکےباوجودروزقیامت گواہیاں طلب کریں گے۔

تفصیلات کے مطابق سپریم کورٹ میں چیف جسٹس آ صف سعیدکھوسہ کی سربراہی میں 3رکنی بینچ نے قتل کے ملزم شاہد حمیدکی سزا کے خلاف اپیل پر سماعت ہوئی ، سماعت میں چیف جسٹس نے کہا گواہی لینے کا اصول تو اللہ تعالیٰ کا بھی ہے، اللہ تعالیٰ سب جاننے کے باوجود روز قیامت گواہیاں طلب کریں گے، آنکھ، منہ، ہاتھ سب گواہی دیں گے۔

چیف جسٹس کا کہنا تھا ثبوت مانگنا اللہ کانظام ہے، ملزم اصلی گواہی نقلی،سب مقدمات میں ایک خرابی ہے، ہرکیس میں سپریم کورٹ کوہی کہنا پڑتا ہےگواہی قابل قبول نہیں، کوشش کر رہےہیں کہ نظام درست ہوسکے۔

جسٹس آصف کھوسہ نے کہاوقوعہ کاایک گواہ غضنفرپٹواری20سال سےلاہورتعینات ہے، پٹواری کے پاس تو سارے علاقے کا ریکارڈ ہوتا ہے، پٹواری لیول کا آفیسر بے ایمان گواہ نکل آئے تو نظام کا کیا ہوگا۔

عدالت نے استفسار کیا لاہورمیں تعینات بندہ شیخوپورہ میں وقوعے کاگواہ کیسے بن سکتا ہے، پراسیکیوشن شک سے بالاتر شواہد پیش نہیں کرسکی۔

چیف جسٹس نے ملزم شاہدحمید کو عدم شواہد کی بنیاد پر بری کرتے ہوئے کہا ملزم توبری ہوااب پٹواری صاحب کاکیاکریں، جس پر وکیل کا کہنا تھا عدالت پٹواری غضنفر کو معافی دے دے۔

خیال رہے ملزم شاہدحمیدپرمحمدعثمان کو2009 میں قتل کرنےکاالزام تھا، ٹرائل کورٹ نےملزم کوسزائےموت سنائی تھی اور ملزم کی سزا کوہائی کورٹ نےعمر قید میں تبدیل کردیا تھا۔

سپریم کورٹ نے بیوی کے قتل میں نامزدملزم کو12 سال بعد بری کردیا


دوسری جانب سپریم کورٹ نے ہائی کورٹ کا فیصلہ کالعدم قرار دے کر بیوی کے قتل میں نامزدملزم ناصرکو12 سال بعد بری کردیا تھا، ٹرائل کورٹ نے جھنگ کے رہائشی ملزم ناصر کو پھانسی کی سزا سنائی تھی اور ہائی کورٹ نے ملزم کی سزا عمر قید میں تبدیل کر دی تھی۔

Comments

comments

یہ بھی پڑھیں