The news is by your side.

Advertisement

چیف جسٹس آصف سعید کھوسہ عمرہ ادائیگی کیلئے روانہ

جسٹس گلزاراحمد نے قائم مقام چیف جسٹس کا حلف اٹھالیا

اسلام آباد : چیف جسٹس آصف سعید کھوسہ عمرہ ادائیگی کیلئے روانہ ہوگئے ، اس دوران جسٹس گلزاراحمد قائم مقام چیف جسٹس کے فرائض انجام دیں گے۔

تفصیلات کے مطابق چیف جسٹس آصف سعید کھوسہ عمرے کی ادائیگی کے لیے سعودی عرب روانہ ہوگئے ، جس کے بعد جسٹس گلزاراحمد نے قائم مقام چیف جسٹس کا حلف اٹھالیا ، سپریم کورٹ کے سینئر جج جسٹس مشیر عالم نے جسٹس گلزار احمد سے قائم مقام چیف جسٹس کا حلف لیا۔

حلف برداری کی تقریب سپریم کورٹ میں ہو گی،جس میں سینیئر وکلاء اور تمام ایڈیشنل اور ڈپٹی اٹارنی جنرل نے شرکت کی ، جسٹس گلزار چیف جسٹس آصف سعید کھوسہ کے بیرون ملک واپسی تک قائم مقام چیف جسٹس کی ذمے داریاں نبھائیں گے۔

واضح رہے 18 جنوری 2019 کو جسٹس آصف سعید خان کھوسہ نے چیف جسٹس کا عہدہ سنبھالا تھا اور وہ اسی سال 20 دسمبر کو ریٹائر ہوجائیں گے۔

ان کے بعد جسٹس گلزار احمد اس عہدہ پر فائز ہوں گے اور وہ یکم فروری 2022 تک چیف جسٹس کے عہدہ سے ریٹائر ہوجائیں گے۔

Comments

comments

یہ بھی پڑھیں