ملتان : چیف جسٹس پاکستان جسٹس گلزار نے ملتان میں قبضہ مافیا کےخلاف کارروائی کاحکم دےدیا اور کہا قبضہ مافیا سےآہنی ہاتھوں سےنمٹاجائے، پارکس صرف عوام کیلئےاستعمال ہونےچاہئیں۔
تفصیلات کے مطابق چیف جسٹس پاکستان جسٹس گلزارنے اولیا کے شہر ملتان کا دورہ کیا، جہاں انھوں نے حضرت بہاؤالدین زکریا اور شاہ رکن عالم کےمزار پر حاضری دی اور شہرکے معروف چلڈرن پارک بھی گئے۔
چیف جسٹس نے چلڈرن پارک کی ابترحالت پربرہمی کااظہارکرتے ہوئےسی پی او کوقبضہ مافیا کے خلاف کارروائی کرنےکا حکم دیتے ہوئے کہا قبضہ مافیا سے آہنی ہاتھوں سےنمٹا جائے، پارک صرف عوام کیلئے استعمال ہونے چاہئیں۔
چیف جسٹس نے پارکس کی حالت فوری بہتربنانے اور ملتان میں ایک لاکھ درخت لگانےکاحکم بھی دیا اور کہا ملتان کی حالت بل بورڈز اور گردوغبار سے خراب ہے، شہر میں صوفی کلچرکوفروغ دینےکیلئےثقافتی سرگرمیوں کی ضروت ہے، سرگرمیوں سےلوگ مزارکی طرف متاثرہوں گے۔
جسٹس گلزار احمد کا کہنا تھا کہ شہر کے تمام پارکس کو بچوں اور اہلخانہ کےلیےتفریح کاذریعہ ہوناچاہیے، اچھے پارکس سے شہریوں کا معیار زندگی بہتر ہوگا۔
