The news is by your side.

عمران خان کی نااہلی کی سزا کیخلاف درخواست پر سماعت کیلئے 3 رکنی بنچ تشکیل

لاہور : چیف جسٹس لاہور ہائی کورٹ نے توشہ خانہ میں سابق وزیر اعظم عمران خان کی نااہلی کی سزا کیخلاف درخواست پر سماعت کے لیے تین رکنی شکیل دے دیا۔

تصیلات کے مطابق توشہ خانہ میں پی ٹی آئی چیئرمین عمران خان کی نا اہلی کے خلاف درخواست درخواست پرسماعت کیلئے چیف جسٹس ہائیکورٹ نے 3 رکنی بینچ تشکیل دے دیا۔

چیف جسٹس لاہور ہائیکورٹ نے میانوالی کے حلقہ 95 سے ووٹر جابر علی کی درجواست پر فل بنچ تشکیل دیا ہے۔

فل بنچ کی سربراہی چیف جسٹس لاہور ہائیکورٹ محمد امیر بھٹی کریں گے، بنچ کے دیگر دو ارکان میں جسٹس عابد عزیز شیخ اور جسٹس ساجد محمود سیٹھی شامل ہیں۔

جابر علی اظہر صدیق ایڈووکیٹ کے توسط سے درخواست کی ہے، درخواست میں الیکشن کمیشن کے کسی رکن اسمبلی کو نا اہل قرار دینے کے اختیار کو چیلنج کیا گیا ہے۔

درخواست گزار کے مطابق کسی پارلیمینٹیرین کو نااہل قرار دینے کا اختیار عدالت کا ہے ، الیکشن کمیشن عدالت نہیں لہذا فیصلہ غیر آٸینی اور کالعدم قرار دیا جاٸے ۔

جسٹس ساجد محمود سیٹھی نے درخواست پر ابتدائی سماعت کے بعد یہ معاملہ چیف جسٹس لاہور ہائیکورٹ کو بجھوا دیا تھا اور درخواست پر سماعت کیلئے فل بنچ تشکیل دینے کی سفارش کی تھی۔

Comments

یہ بھی پڑھیں